કરમનો હિસાબ

આટલી ભરેલી આ દુનિયામાં,

ક્યાં છે સૌ આપણી ઓળખમાં,

લેખા ને જોખા કરવા સરખા,

બંધાયા સંબંધો તણા માળખા,

મળવું, મળીને છૂટા પડવું,

છૂટા થઈ અને પાછા મળવું,

અકારણ જ એ નથી બનતું,

સંકેત એનું નથી સમજાતું,

મળશે તો કરમ પૂરા થશે,

બાકી હશે તો એ ફરી મળશે,

સુખ દુઃખનું નિમિત્ત બનશે,

હસાવશે કે પછી એ રડાવશે,

કરમ આપણું ગોતી જ લેશે,

ચાલાકી કોઈ કામ ન આવશે,

તારું ને મારું બધું રહી જશે,

હિસાબ એ જયારે પૂરો થશે.