જરુરી

જીવનમાં સરાસાર વિવેક હોવો જરુરી,

વિચારે આચારે માનવ એક હોવો જરુરી. 

વિચારીને પગલું ભરનાર ન પસ્તાય કદી,

પ્રમાણિકતાના પાયે કોઈ નેક હોવો જરુરી.

મૂઠી ઊંચેરા માનવ થવાનું રાખો સ્વપ્નને,

તપાસો મૂળ ઇમાનદાર દરેક હોવો જરુરી.

ભ્રષ્ટાચાર ભરખી ન જાય માનવતાને કદી,

નખશિખ શિષ્ટાચાર એ છેક હોવો જરુરી.

પથ્યાપથ્ય પરેજી હોય જેનાં કદમ માંડતાં,

આકૃતિ પ્રકૃતિમાં માનવ પ્રત્યેક હોવો જરુરી.