જીંદગી એક રમત
જીંદગી એક રમત
આ જીંદગી પણ એક રમત છે,
અહીં જીતવાની સૌને મમત છે.
દોડો, પડો, ને પાછા ઉભા થાવ
હાર ન માનો, જીતવાની શરત છે.
છતાં જળે, મૃગજળ પાછળ સૌ,
શી ખબર બધાને શેની તરસ છે ?
કરવું છે કોઈ દાન કે ધરમ, જો
‘માણસાઈ’થી સારી ક્યાં પરબ છે ?
પિત્તળનું મૂલ્ય પણ વધી ગયું,
જરાક ઓઢી જો સોનાની પરત છે.
ગયેલા સમયને વિનવ્યા કર્યો,
એને ફરી આવવાનો ક્યાં વખત છે ?
રસ્તા જુદા, મંઝીલ સૌની એક
તડકે કે છાંયે, ચાલવાનું સતત છે.