ઝરમર ઝરમર વરસ્યો વરસાદ !

ઘનઘોર ઘેરાયું આકાશ,

થયો વાદળોનો ગડગડાટ,

વીજળીના ચમકારાની સાથ,

ઝરમર ઝરમર વરસ્યો વરસાદ !

મોસમનો આ છે પહેલો વરસાદ,

લીલાછમ બન્યા ફૂલ ને ઝાડ,

કેવી મનમોહક છે આ સમીસાંજ,

ઝરમર ઝરમર વરસ્યો વરસાદ !

મેઘધનુષ ખીલ્યું આકાશ,

આંબે આવ્યા મ્હોર,

ને કલશોર કરતા મોર,

ઝરમર ઝરમર વરસ્યો વરસાદ !

ચાલ પકડી લે મારો હાથ,

ભીંજાઈએ આપણે પણ આજ સંગાથ,

મૂકી દરેક જંજાળોને પેલે પાર,

ઝરમર ઝરમર વરસ્યો વરસાદ !

કોરી આંખોમાં અંજાયો પ્રણયરાગ,

તન મનમાં થયો તરવરાટ,

તારા સ્પર્શનો છે આ ઉન્માદ,

ઝરમર ઝરમર વરસ્યો વરસાદ !