ઝંઝાવાત

જન્મ થાય જે મનેખે,

થાય પરીક્ષા રોજેરોજ,

પરીક્ષા શરૂં થતી બાલમંદિરમાં,

પુરી થશે મરણશૈયા પર

આજ તો જીવન છે જ્યાં,

પરિણામ વિનાની કસોટી અપાર,

આ જ હોય જિંદગીનો ઝંઝાવાત !!

મન બદલાતું રહે રોજે,

આવે તડકા છાંયા રોજેરોજ,

અણધારી આવે કસોટી જીવનમાં,

ખુશી મળે મને ઘડીભર.

આજ તો મજા છે જ્યાં,

પોતાનાં પરખાય ના ઘણીવાર,

આ જ હોય જિંદગીનો ઝંઝાવાત !

માનવી ઘડાતો રહે આજે,

પરીક્ષા હોય એને રોજેરોજ,

ટેસ્ટમેચનો તો હેવાયો જીવનમાં,

વનડેમાં સદી થાય છે ક્યાં.

આજ તો મેચ હોય જ્યાં,

ભૂલથી સિક્સ ફટકારાય ઘણીવાર,

આ જ હોય જિંદગીનો ઝંઝાવાત !