જગમાતા

મા ઓ માવડી દરશન આપોને જગમાતા

આવી ઊભી દરવાજો ખોલોને જગમાતા,

હૃદયમંદિરે બિરાજો મા વિનંતી એટલી કરું

શ્રદ્ધાનો દીવડો પ્રગટાવી મા આરતી ઉતારું

તમારા ચરણોમાં શરણ દેજોને જગમાતા

મા ઓ માવડી દરશન આપોને જગમાતા,

સોના, રૂપા કે હીરા, મોતી કંઈ નથી મારી પાસે

શણગાર તમારો હૃદયના ભાવથી કરીશ માતે

ફૂલોથી સજાવું ભાવ સમજોને જગમાતા

મા ઓ માવડી દરશન આપોને જગમાતા,

ઊંચા ઊંચા પર્વતે બેઠી છે સૌ બેનડીઓ

રમવા ચોકમાં હવે આવોને સૌ માવડીઓ,

હાથમાં હાથ ભક્તોનો લેજોને જગમાતા

મા ઓ માવડી દરશન આપોને જગમાતા.