હજુ પણ સંભળાય છે મને

હજુ પણ સંભળાય છે મને વાંસળીનો સૂર,

થનક - થનક નાચતી રાધાનું નૂપુર,

કૃષ્ણએ એવો રંગ લગાડ્યો ગોકુળને,

સ્નેહની ફૂટે સરવાણી સ્પર્શી એની ધૂળને,

કદંબનું આ તરુવર રેલાવે રે સૂર,

હજુ પણ સંભળાય છે,

વહેતી મૂકી છે એણે વાયરામાં વાતને,

જગાડી છે એણે સપનામાં રાતને,

મારી આંખોમાં જુઓ કેવું નૂર !

હજુ પણ સંભળાય છે,

ઘૂઘવે છે હજુ એના સ્મરણનો દરિયો,

શોધું છું હું, ક્યાં ગયો તું સાંવરિયો ?

હૈયું ચડ્યું હિલ્લોળે ને આવ્યું પૂર,

હજુ પણ સંભળાય છે.