લ્યો, હું ઊર્મિગીત લખું

લ્યો, હું ઊર્મિગીત લખું

જીવનની સમજણનું સંગીત લખું

લ્યો, હું ઊર્મિગીત લખું,

શ્રદ્ધા- સંતોષ-સ્નેહના

કંકુ પગલાં પાડું

નિંદાના નિંદામણને

જીવનમાંથી કાઢું

હારું જીવનમાં હું તોયે

હૃદયમાં હું જીત લખું

લ્યો, હું ઊર્મિગીત લખું,

સંબંધો શ્વાસમાં વણી

મૂકું "મારું-તારું"

હૈયાંરૂપી આવકારાથી

જીવન આ સંવારું

સુખનો સૂરજ રોજ ઊગે

પ્રાર્થના એવી નિત લખું

લ્યો, હું ઊર્મિગીત લખું.