હે હરિ !

શબ્દ હો કે અર્થ બંને તારે સાવ સરખા,

પ્રશ્ન હો કે વિધ્યર્થ બંને તારે સાવ સરખા.

નથી તારે ભેદદ્ર્ષ્ટિ ક્યારેય કયાંય હોતી,

આમ હો કે સમર્થ બંને તારે સાવ સરખા.

સમદ્રષ્ટિ તારે હોવાની સઘળાં સંતાનોમાં,

અર્થ હો કે અનર્થ બંને તારે સાવ સરખા.

અંતરને વાંચનારો છે તું હરિ અબ્ધિવાસી,

કામનું હો કે વ્યર્થ બંને તારે સાવ સરખા.

ઊભયને દીધો અધિકાર તારા લગીનો તેં,

નકામુ હો કે યથાર્થ બંને તારે સાવ સરખા.