CHAL KAIK LAKHI NAKHU❣
CHAL KAIK LAKHI NAKHU❣
ચાલ કંઈક લખી નાખું,
તારી આ આદતોને આજે,
હું મારી ડાયરીમાં સમેટી નાખું,
આમ તો બધા તારા વખાણ જ કરતા હોય છે,
પણ આજે હું તારી ખામીયો વિશે કંઈક લખી નાખું,
તારી આ ઘેરા બદામી રંગની આંખો,
જેમાં છે કેટ-કેટલા મોટા સપના,
લાવ આ સપનાઓમાં થોડો રંગ હું ભરી નાખું,
તારું આ લાંબું નાક, જેને જોઈને મને યાદ આવે,
આપણો લાંબો સફર,
ચાલ સાથે ચાલીને આ સફરને,
હું મારી યાદોમાં કેદ કરી નાખું,
તારું આ અતિસુંદર હાસ્ય,
જેને જોઈને મારો આખા દિવસનો,
થાક ઉતરી જાય છે,
લાવ આ હાસ્યને હું શબ્દોમાં વર્ણવી નાખું,
તારો આ દ્રઢ હાથ, જેને હું વારં-વાર ચૂમતી હોવ છું,
લાવ આ હાથ પકડીને આખી દુનિયાને હું જીતી નાખું,
તારું આ કોમળ દિલ, તારા કહેવા પ્રમાણે જેમાં હું રહું છું,
લાવ આ દિલમાં આપણા માટે ઘર બનાવી નાખું,
અરે આ તો જો એક આખું પાનું ભરાઈ ગયું,
પણ તારી ખામીયો જ નઈ મળી,
લાવ જરા તારી આ આદતોને,
હું મારી નજર સમક્ષ ફરીથી રજુ કરી નાખું,
ચાર-પાંચ વાર વાંચ્યા પછી ખબર પડી,
કે જયારે તમે કોઈને પુરા દિલથી પ્રેમ કરતા હોવ,
ત્યારે એમની ખામીમાં પણ પ્યાર જ છલકાતો હોય છે,
ચાલ કંઈક લખી નાખું,
તારી આ આદતોને આજે હું,
મારી ડાયરીમાં સમેટી નાખું.