ચાલો ઉગાવીએ છોડ
ચાલો ઉગાવીએ છોડ
ચાલો ધરતી પર છોડ આપણે વાવીએ,
જતન કરી એનું વટવૃક્ષ આપણે બનાવીએ.
ફળ ફૂલ આપશે ધન ધાન્ય એ આપશે,
માનવીને મજાનો ઑક્સિજન પણ આપશે,
રીસાયેલી વર્ષારાણી ને પણ એ લાવશે,
જોને ધરતીને પણ દુલ્હન સમી સજાવશે.
સુંદર અને રળિયામણી બની જશે ધરા,
જોને સૂરજના તાપ પણ ઝીલી લેશે આકરા.
પંખીઓ પણ બનાવશે એમાં પોતાના ઘર,
મીઠડા ગીતો એ ગાશે મજાના ફેલાવી પર.
જમીનનું ધોવાણ પણ એ અટકાવી દેશે,
જોને ધરતીને પણ હરિયાળી બનાવી દેશે.
ચાલો સાથે મળીને ઉગાવીએ આપણે છોડ,
ધરતીના બાગને બનાવીએ આપણે બેજોડ.