ભોમ અમારી અમે તો ભોમના
ભોમ અમારી અમે તો ભોમના
જનશક્તિની વિરાટ ચેતના
આહિંસાથી અજવાળી
દેશે દેખી આ ગાંધી પેઢી
વતન કાજે મતવાલી,
આઝાદીનાં અમર લડવૈયા
ધરી ભેટ મહામૂલી
ગાશે જયઘોષ આ હિમાલય
નવયુગી હશે નભલાલી,
ભોમ અમારી અમે તો ભોમના
રમે રણકાર જ ઉરે
ત્રિરંગો આંચલ ઐક્યતણો
યશોધરો થઈ ઝૂમે,
છે આંખે સ્વપ્નો વ્યોમ મંડલા
કળા જ્ઞાને જગ ગાશું
સૂરજની શાખ દેશું સાગરે
થઈ મેઘો વિખરાશું,
શ્યામલ આ ભ્રષ્ટતાની ઓથમાં
લપાયો રે જન સૂરજ
આજ પડી હાકલ વીરા જાગજો
ધરે ગર્વ હિંદ ગુંબજ.