'બાળઘડતર'વિશ્વશાંતિની ગુરુચાવી

આજે છે દુનિયા વ્યસ્ત,

પોતપોતાના માં મસ્ત.

નથી પડી કોઈને કોઈની,

ભલે પછી થાય ધ્વસ્ત.

આજનો માનવી છે સ્વાર્થી,

એમાં થશે દુનિયા ધ્વસ્ત.

માત-પિતા સમજીલ્યો હવે,

રહો બાળ ઘડતરમાં વ્યસ્ત.

લાડકવાયા બાળક ને સમજાવીએ,

છે સમાન ધર્મ સમસ્ત.

ગામ, શહેર, દેશ, દુનિયામાં,

ફેલાવો આ સંદેશ સમસ્ત.

હે બાળક! તુજ થકી છે,

સત્ય, અહિંસા, પ્રેમ તણી ગાથા.

વેદ-ઉપનિષદમાં ગાયું છે,

વિશ્વ તણી શાંતિની ગાથા.

સમગચ્છઘ્વં સમવદ્દધ્વં,

મંત્ર ઉતારશે જીવનપાર.

"વસુધૈવ કુટુંબકમ્" છે ગુરુચાવી,

બને સૌનો આ જ સૂરતાલ.

વિશ્વતણી શાંતિનો છે,

આ મુજ થકી સંદેશ.

સૌ બનાવો સૃષ્ટિને સુંદર,

તે જ છે મારો સંદેશ.