આરોગ્ય

સાચવો રે ! ભાઈ સાચવો !

આરોગ્ય આપણું સાચવો;

બીડી હોય કે પછી સિગારેટ,

આપીએ તેને આપણે જાકારો.

દારૂ કે પછી નશીલાં દ્રવ્યો,

માવો કે પછી પાન મસાલા;

નશો નોતરે વિનાશ,

પૈસાનું પાણી ને કેન્સર લાવે તાણી.

વાસી ખોરાક, દૂષિત પાણી,

આરોગ્યની સમસ્યા ભારી;

ઝાડા- ઉલ્ટી ને પેટ દર્દ,

આરોગ્યમાં લાવે રોગચાળો જાણી.

સાચવો રે ! ભાઈ સાચવો!

આરોગ્ય આપણું સાચવો;

હવા દૂષિત, પાણી દુષિત,

દૂષિત ફળદ્રુપ જમીન સારી.

સ્વાઈન ફ્લૂ, બર્ડ ફ્લૂ,

ચિકનગુનિયા કે પછી મલેરિયા;

ડેન્ગ્યુ, પ્લેગ કે હોય પછી,

કોરોના મહામારી આ સારી.

દૂધ, કઠોળ ને લીલા શાકભાજી,

એ જ સમતોલ આહાર;

ગંદવાડ ત્યાં મંદવાડ ને

સ્વચ્છતા ત્યાં પ્રભુતા સ્વીકારીએ.

કહે કવિ ગણ સારાં,

આરોગ્ય એ જ નિયમ બનાવીએ;

સાચવો રે ! ભાઈ સાચવો !

આરોગ્ય આપણું સાચવો.