ప్రేమ లేఖలు

ప్రేమలేఖలు పరిహసించే , ...వలపు జాడలు లేవనీ..!

హృదయ సఖితో విభేదించే.., తలపు నీడలు లేవనీ..!

పూలదారిని పరచుకొంటిని..విరహ కంటక మొచ్చెనే ...

గానమేగా ప్రాణమనెనే..ప్రణయ వేడ్కలు లేవనీ....

వాసంతమే మన సొంతమని మది మురిసెనే కొన్నాళ్ళుగా..! 

శిశిరవల్లకి చేతికొచ్చే, , రాగ మాడలు లేవనీ...!

వెలుగు నీడలు బ్రతుకు యానము

తెలిసికూడా తాపమే!

లేఖలన్నీ దాచుకొంటిని , చిలిపి మాటలు లేవనీ...!

వడలిపోయే తనువు వెంటే, కదలిపోయే కాలమే!

బెదరిపోయే వార్త వింటిని..వాడ వాడలు లేవన