గురు కాంతి

అజ్ఞానపు నిశీధిలో...
నేను దారి తెలియని నక్షత్రాన్ని,
నీవు నన్ను చేయి పట్టి నడిపిన వెన్నెల దివ్వెవు!

పుస్తకాల అక్షరాల వెనుక ఉన్న
జీవిత సత్యాన్ని నేర్పిన బ్రహ్మవు నీవు...
ఓటమి ఎదురైన వేళ
ధైర్యపు కిరణమై నిలిచిన దైవానివి నీవు!

ఏ శిల్పమైనా రాయిగా మొదలవుతుంది,
నీ ఆశీస్సుల ఉలి తాకితేనే అదొక రూపమవుతుంది.
నేను సాధించే ప్రతీ విజయంలో
కంటికి కనిపించని నీ నిశ్శబ్ద శ్రమ ఉంది!

పున్నమి వెన్నెల లోకానికి అందాన్నిస్తే...
నీ గురు బోధ నా జీవితానికి వెలుగునిచ్చింది!.

ఈ గురుపౌర్ణమి వేళ
మీ పాద పద్మాలకు నా నమస్కార సుమాంజలి! 🌸

గురుదేవులకు గురుపౌర్ణమి శుభాకాంక్షలు!