ఓక సంధ్య

ఓక సంధ్య

*****************

దూరంగా సముద్ర తీరాన

తేల్లని పొంగుతో కూడిన

నీటి బుడగల మధ్య

ఊగిసలాడుతున్న ఓ వంటరీ నావ,

నింగి, నేల ఒకటిగా మారిన ఆ

సముద్రపుటంచుల్లో

బంగారు రంగు కిరణాలలో

తెలియాడుతూ

సూర్యుడ్ని హారతి పడుతుంది.

అదే సంధ్య సమయమున

చీకటి, వెలుగులు ఒకరిని ఒకరు

పెనవేసుకున్న తరుణంలో

చందమామ పై-పైకి లేస్తూ

అలసి సొలసి ఉన్న సూర్యుడ్ని

ఆకట్టుకోవాలనే ప్రయత్నంలో 

ఆకాశం నుదుటి పై 

బొట్టు పెట్టినట్టు రంగు-రంగుల 

కిరణాలు వేదజల్లుతుండగా

వెన్నెల తన అందాలను ఒలకబోస్తూ

సముద్రపు నీటిలో జలకలాడుతుంది.

ఆ చల్లని సంధ్య ఓడిలో

దూరంగా కొండలమధ్య 

కుండలతో ఓలకబోస్తూన్నట్టున్న 

వెన్నెల్లో నుంచి ఓ లేడీ పిల్ల 

ఛంగు ఛంగున ఉరకలు వేస్తూ 

ఆనందంలో తేలియాడుతూ

తన తల్లితో

అడివిలోకి పరుగు పెట్టింది.

©లత తేజేశ్వర్ 'రేణుక'