ఓ మనసా

అంతర్మథన భావాలు వివరించలేను ఓ మనసా

మారే అంతరంగ ఇష్టాలు సవరించలేను ఓ మనసా

అన్నీవున్నా అందరిని మెప్పించడం సాధ్యం కాదు

ఎవరి మనసులో ఏముందో కదిలించలేను ఓ మనసా

జీవన పయనంలో ముళ్ళ బాటకూడా దాటావలసి రావచ్చు

సరైన దారి లేదని అందరిని నిందించలేను ఓ మనసా

కాలం నేనున్న స్థానం మారాలి అంటుంది ఏమో 

మారే కాలంతో మనసు చేసే గారడీ అనుసరించలేను ఓ మనసా

అందరి ప్రేమాభిమానం తూచే తూనిక రాళ్ళు ఎక్కడ

మనుషుల్లో వచ్చే స్వార్ధం కనపడదు ఆలోచించలేను ఓ మనసా....