ఓ దారి చూపు చెలియా

నిదుర పోయే కనులు తెరవలేను

కలలలో నుండి నువ్వు తప్పుకుంటే ?

ఎదురు చూస్తూ కనులు మూయలేను

ఎదుట నిలిచిన నువ్వు మాయమైతే ?

జాగురూకతలోనె నే మెలగలేను

నా ఊహల్లోనే నీవు మిగిలిపోతే ?

నీ ఊహనుండి నే బయటకీ రాలేను

బయట నీ జాడ తెలియ కుంటే?

తోడుగానూ నీ వెంట ఉండలేను

నాతోడు వద్దని నువ్వెళ్ళిపోతే ?

నిను విడిచేసి నా బ్రతుకు నడపలేను

తిరిగి కలిసే భాగ్యం రాకపోతే ?

ఇన్ని ద్వందాల మధ్య బ్రతకలేను

కరుణించి ఓ దారి చూపు చెలియా !!