నవ్వక
నవ్వక
అసలు కాస్త పూలగాలి..వీచేనా తను నవ్వక..!
పసిడివాన మేఘాలే..వచ్చేనా తను నవ్వక..!
రెప్పలతో కనులకున్న..బంధమెంత అపురూపం..
ఓంకార దీపమేదొ..వెలిగేనా తను నవ్వక..!
అందాలకు అందమిచ్చు..తానెవరో అగుపించదె..
మౌనగగన సోయగమే..అందేనా తను నవ్వక..!
ఈ మాటల కోవెలలో..ఏ గంటలు మ్రోగేనో..
ఎఱుకపూల తోట కాస్త..విరిసేనా తను నవ్వక.!
కోపానికి ఆశ్చర్యం..తన కొలువే మాయమవగ..
అసలుమాయ విలాసమే..మాసేనా తను నవ్వక..