నిన్ను నాలో లేను

దృశ్యాల మధ్యనే..పాపనై పోతాను..! 

ఎల్లపుడు నీ కంటి..రెప్పనై పోతాను..! 

వేడుకలు జరిపించు..వాసంతమే నీవు.. 

నీ పెదవి మెఱుపుకే..తీగనై పోతాను..! 

దానమో ధర్మమో..నీ చేతికే తెలుసు.. 

ఇచ్చుటే మరచేటి..ఎముకనై పోతాను..! 

అతిథిగా విచ్చేసి..నవ్వేసి వెళ్ళావు.. 

నీ పాద ధూళిలో..రవ్వనై పోతాను..! 

ఏ వాగు యే కొండ..పైనుండి దూకునో.. 

నీ కొఱకు సెలయేటి..వరదనై పోతాను..! 

ఏ కమల మేవేళ..వికసించి వెలుగునో.. 

నీ కురుల రాగాల..వీణనై పోతాను..!