మేఘాలకు లంచం ఇచ్చాను.

ఆకలి తీర్చే అన్నదాత కళ్ళకి    

నిత్యం పచ్చతోరణంలా మెరిసే పంటపొలాలు

వర్షపు చినుకు లేక ఎండిపోతుంటే

కొంచెం ఆ వరుణ దేవుడికి నా విన్నపం తెలిపి

వర్షపు జడిని ఇటు పంపించమని కోరుతూ

ఆ మేఘాలకు నా వేదనను లంచంగా ఇచ్చాను...

ఆ వేదన మేఘాల మనసును కరిగించకపోతుందా అనే ఆశతో...

నా వేదనను మరీ ఎక్కువగా అర్థం చేసుకుని అతిగా వరుణ దేవుడిని వేడుకుంటే

ఆయన మరీ ఎక్కువగా కరిగిపోయి వర్షాలతో

పంటలను , ఊర్లను ముంచేస్తూ ఉంటే

మరీఅంత ఉధృతి వద్దు స్వామి ,కొంచెం శాంతించి

అవసరమైనప్పుడు అవసరమైనంత వరకు మాత్రమే నీ దయ చూపించు స్వామి అని

నా మాటను తనమాటగా మేఘాలతో చెప్పించడానికి నా మనసులోని వ్యధను

వేడుకోలుగా మార్చి మేఘాలకు లంచమిచ్చాను.