'హరీ!'శతకపద్యములు

'హరీ!'శతకపద్యములు.

63.

ఉత్పలమాల.

పాపపు పంకమందు బడి బావురుమంటిని శక్తి హీనతన్ 

తాపము తోడ బెగ్గిడితి ధైర్యము తగ్గెను గాంచవయ్య!నే 

నోపగ లేక భీతిగొని నుక్కిరి బిక్కిరియై చరించితిన్

నీపద యుగ్మమున్ గొలుతు నిర్మలమౌ గతి జూపుమా హరీ!//

64.

ఉత్పలమాల.

క్లేశములెన్నియో కలుగ లేవడిగంబడి క్రుందిదీనతన్ 

నాశము నొందు జీవులకుఁ నర్మిలి జూపుచు కాచువాడ!నే

నాశగ నిన్ను జేరి పరమాప్తుడవంచు యజించవచ్చితిన్

కేశవ!నన్ను వెంటగొని కేలును బట్టి చరించుమా హరీ!//