చిట్టి గుండె

గోర్వెచ్చని కోటినదుల..సంద్రముకద చిట్టిగుండె..! 

హృదయగగన వీధులకే..ద్వారముకద చిట్టిగుండె..! 

ప్రేమవనము రాచిలుకల..కలకలమే తీరేనా.. 

ఊరడించు రాగసిరుల..నగరముకద చిట్టిగుండె..! 

ప్రణవనాద శిఖరాలను..చుంబించగ కుదిరేనా.. 

అంతరంగ లోకాలకు..అద్దముకద చిట్టిగుండె..! 

ఎఱుకగాక అసలు మధువు..ఉందా ఈ విశ్వమందు.. 

సత్యమేదొ చాటేందుకు..సాయముకద చిట్టిగుండె..! 

సాక్షియైన కాలానికి..లెక్కలెంత చిత్రమోయి.. 

మనసుగుట్టు అందజేయు..స్వర్గము కద చిట్టిగుండె..!