బ్రతుకు పోరాటము

పిడికెడు బువ్వ లేక

కట్ట సరైన బట్ట లేక

తల్లడిల్లే కడుపున్న దేహం నాది

నేల రాలిన మేతుకులే పరమాన్నంగా

వీధి కొలాయిలో నీళ్ళు అమృతంగా

ఫుట్ పాత్ లే మంచంగా భావించే బ్రతుకు నాది

అమ్మకి దూరమై అనాధనైతిని

వీధుల్లో తిరుగుతూ సమాజంలో హీనమైతిని

సమాజం వెలివేయబడి అందరిలో ఉంటూ ఒంటరినైతిని

బక్క చిక్కిన ప్రాణం నాది

అలుపెరుగని పోరాటం నాది

ఆస్తుల కోసమో అంతస్థుల కోసమో కాదు బుక్కెడు భువ్వ కోసం మాత్రమే

మనసున మలినం లేదు

మలినమైన దుస్తులు తప్ప

మాసిపోయిన దేహం తప్ప

సత్తువ లేదు సాధించెంత శక్తి లేదు

సావు బ్రతుకుల మధ్య పోరాటం తప్ప

సచ్చెంత వరకు ఆరాటం తప్ప.....!!!