సాగిపోతుంది ఈ బతుకు

కన్నీటి తడిని మోస్తూనే... చిరునవ్వుల బాట వెతుకుతూ,
రేపటి వైపే అడుగేస్తూ... సాగిపోతుంది ఈ బతుకు!
ఎండల వేడిని దాచుకుంటూ... వెన్నెల స్పర్శను కోరుకుంటూ,
ఆగని అలలా కాలంలో... సాగిపోతుంది ఈ బతుకు!
ఎవరున్నా లేకున్నా... పయనం మాత్రం ఆగదుగా,
గమ్యమేదో తెలియకున్నా... సాగిపోతుంది ఈ బతుకు!

రాలిపోయిన ఆకులన్నీ... నిన్నటి జ్ఞాపకాలై మిగిలెను,
చిగురించే ఆశలన్నీ... సరికొత్త దారులై పిలిచెను!
గాయాలు ఎన్ని తగిలినా... కాలం నెమ్మదిగా మాన్పుతుంది,
గుండెలో భారం నిండినా... మౌనమే తోడై నడుస్తుంది!
కలలన్నీ కరిగిపోయినా... కన్నులలో వెలుగు చావదుగా,
ఓటమినే పాఠం చేసుకుని... సాగిపోతుంది ఈ బతుకు!

చిరుగాలిలాంటి స్పర్శ ఏదో... ఎదలో ధైర్యం నింపుతుంటే,
చీకటిని చీల్చే వెలుతురేదో... కనుపాపల్లో మెరుస్తుంటే!
నదిలా పారే జీవనంలో... ఒడుదొడుకులు సహజమేగా,
తీరమేదో చేరేవరకు... అలసటనే మరిచిపోవాలిగా!
చేజారిన కాలం వెనక్కి రాదు... మిగిలిన క్షణమే వరమనుకుని,
నవ్వుతూనే లోకాన్ని చూస్తూ... సాగిపోతుంది ఈ బతుకు!

కన్నీటి తడిని మోస్తూనే... చిరునవ్వుల బాట వెతుకుతూ,
రేపటి వైపే అడుగేస్తూ... సాగిపోతుంది ఈ బతుకు!
సాగిపోతుంది ఈ బతుకు...
సాగుతూనే ఉంటుంది ఈ బతుకు!