மிதிவண்டி
மிதிவண்டி
காற்றைக் கிழித்தே பறக்கிறாய் !
உந்தன் மீதமர்ந்தே நானும் -
காற்றில் மிதக்கிறேன் !
அகழ்வாரைத் தாங்கும்
நிலம் போல நீயுமே -
உன் மீதேறி நானுமே
காலால் மிதித்து உந்திட
எனை தூக்கிச் சுமந்தே
சிறகு விரித்த பறவையாய்
ஊரெலாம் சுற்றி வருகிறாய் !
உன்னைச் சுற்றியே தான்
பலருக்கும் உண்டு
பல பசுமை நிறைந்த நினைவுகளே !
உடல் நலம் காப்பதில்
சிறந்த முன்னோடியும் தான் நீயே !
எத்தனை சொகுசு வாகனம் வந்தாலும்
உந்தன் பெருமை என்றும் மங்காதே !
ஆரோக்கியத்தில் அக்கறை கொண்டவரே
என்றும் உனை மறவாதிருப்பாரே !
நீடூழி நீயும் வாழ்வாயே !