என்னாலுமான என்னவன்
என்னாலுமான என்னவன்
நான் என்ற சொல்லை அதிகம் விரும்பினேன்
நாம் என்று மாற்ற விரும்பாததால்
நானாக சென்று யாரிடமும் பேசாதிருந்தேன்
பயமோ பதட்டமோ அல்ல
பயிற்சியின்மையால்
சிறியதிலிருந்து என்னுள் கேள்விகள் ஏராளம்
கேள்விக்கு மேல் கேள்விகளும் என்னிடம் தாராளம்
கேள்விகளுக்கு பதில்களும் கேள்வியானது
வேள்வியில் திளைப்பினும் பதில் கேள்வியானது
புறமகம் பார்த்து பழகாதவன்
புறத்தினால் என்றும் வருந்தாதவன்
அகத்தை முழுதாக காட்டாதவன்
அவனுள் அவன் முழுமையானவன்
தன்னைப்பற்றி தம்பட்டம் அடிக்க பிடிக்காது
இருப்பினும் இயல்பு மீறும் தடுக்க முடியாது
தன்னைப்பற்றி மட்டுமே முதலில் சிந்திப்பவன்
தன்னலம் மீறியும் யோசிக்கிறான்
யாசிக்க கூடாதென்று
கல்லூரி படிப்பு முடிக்கும் வரை
தன்னிலை மாறியதில்லை
முடித்த பின்பு ஏற்பட்ட மாற்றமும்
இதுவரை எல்லை மீறியதில்லை
கேள்வியைத் தவிர எதையும் கேட்காமலே பழகிவிட்டேன்
கேட்கும் முன் அனைத்தும் கிடைத்துவிட்டதால்
கேடும் கிடைத்தது கேட்காமலே
என் வலிமையை சோதிக்க
அந்த வலியும் வழியானது
விரும்பியதை சாதிக்க
பஞ்சாக இருக்க அனுமதி இல்லை
பதற்றமும் அதிகம் பழகவில்லை
பழகியும் காலத்தால் பேசுவதில்லை
பந்தயம் நான் வைத்தால் தோற்பதில்லை
படிப்பில் பயனில்லை
கல்லூரி வரையிலும்
வேலைக்கான படிப்போ
எந்நாள் வரையிலும்
விளையாட்டில் அதிக ஆர்வம்
வினையானதில்லை இன்று வரை
விரும்பத்தகாத கர்வமும்
நீங்குவதில்லை நாளை வரை
முடிவு எடுக்க நேரம் எடுப்பவன்
எடுத்த முடிவில் என்றும் நிலைப்பவன்
யோசிக்கா செயல்கள் செய்வதில்லை
செய்த செயல்களும் விதிவிலக்கில்லை
எளிதாக எழும் கோபம்
எளிமையை விரும்பும் தேகம்
செயலில் சிறிதே வேகம்
வேகத்திலும் என்றும் விவேகம்
அனுபவித்து விட்டேன் துக்கம்
உணவருந்திய உடனே தூக்கம்
பிறரால் வரும் தாக்கம்
உருவாக்கியதில்லை ஏக்கம்
இந்நிலை என்றும் குற்றம்
என்று உணர்ந்துள்ளது சுற்றம்
விரும்பாதது என்னிலையில் மாற்றம்
விரைவில் வரும் இந்நிலையிலும் ஏற்றம்
புரியாத புதிராகவே இருக்கிறேன் அனைவருக்கும்
அன்னைக்கும் புரிவதில்லை அடியேனின் சில செயல்களும்
என்னிலையை முழுதாக ஏற்கிறேன்
குற்றம் சொன்னாலும் மறுக்கிறேன்
மறுப்பின் காரணம் உருவாக்குகிறேன்
உருவாக்கியபின்னும் எனதாகிறேன்
எனதாயினும் பிறருக்கு ஏளனமாவேன்
ஏளனமாயினும் என்னிலை மாறேன்
என்னிலையிலும் சற்று மாறி நிற்கிறேன்
நிற்பதன் பிண்ணனியையும் விலக்கி விட்டேன்
மாறிய மாற்றத்தை மாற்றாமல் மாறுகிறேன்
மாறினேனா மனதில் தடுமாறுகிறேன்
தடுமாற்றத்தால் தடம் மாறுகிறேன்
மாறிய தடம் மாற வேண்டுகிறேன்
வாழ்த்துகளை விரும்புவதில்லை
வாழ்த்தவும் விருப்பமில்லை
வாழ்த்தாமலே பழகிவிட்டேன்
வாழ்த்த விரும்பியும்
பழகியதால் விட்டுவிட்டேன்
வாழ்த்தினை ஏற்கவும்
எதிர்காலம் எனதாகுமேயானால்
என்னிலை என்றும் மாறாது
எதிர்காலம் எதிர்பாராததாயின்
என்னிலை என்னில் வாழாது
எனக்காக என்னாலுமான என்னவனைப்பற்றிய எனது எண்ணங்களை எளியோருக்காய் எளிமையாக்க எண்ணவில்லை
எளிமையாக்கும் எண்ணமுமில்லை.......,