ଶ୍ରେଷ୍ଠ ଆମେ ବ୍ରହ୍ମପୁରିଆ
ଶ୍ରେଷ୍ଠ ଆମେ ବ୍ରହ୍ମପୁରିଆ
ବାସୁଦେବ ନାୟକ
ଶ୍ରେଷ୍ଠ ବ୍ରହ୍ମପୁର, ଶ୍ରେଷ୍ଠ ବ୍ରହ୍ମପୁର.......
ଶ୍ରେଷ୍ଠ ଆମେ ବ୍ରହ୍ମପୁରିଆ
ସକାଳୁ ସକାଳୁ ଇଡ଼ିଲି ସମ୍ବର
ଖାଇବାକୁ ଲାଗେ ବଢ଼ିଆ l
ପୁରି, ତରକାରି, ଉପୁମା, ଦୋଅସା
ସଙ୍ଗେ ଥିବ ଯେବେ ଚଟଣି
ହାତ ଚାଟି ଚାଟି ଖାଉଥିଲେ ପରା
ଲୋଡ଼ା ନାହିଁ ଆଉ ଘରଣୀ l
ଅନେକ ବର୍ଷର ପୁରୁଣା ସହର
ଗଲାଣି ସେ କାଳ ପଖାଳ
ଦମ୍ ବିରିଆନି, ପିଜ୍ଜା, ବର୍ଗର
ଖାଇ ହୋଇଲୁଣି ସବଳ l
ସିଲ୍କ-ସିଟି ବୋଲି ଚାରିଆଡ଼େ ନାଆଁ
ପାଟ ମଠା ସିଲ୍କି ପାଇଁ କି
ଓଡ଼ିଆ ତେଲୁଗୁ ମିକଶ୍ଚର ଭାଷାକୁ
ବୁଝି ପାରନ୍ତିନି କଟକି l
ଆମେ ସବୁ ଏବେ ଦେଖୁଛୁ ସପନ
ଆମ ସିଟି ହବ ସ୍ମାଆର୍ଟ
ଦିନରେ ବି କେତେ ସାହିରେ ଜଳୁଛି
ବଡ଼ ହାଲୋଜେନ୍ ଲାଇଟ୍ l
ଅଳପ ବର୍ଷାରେ ବନ୍ୟା ଏଇଠି
କୁଢ଼ କୁଢ଼ ଖାଲି ଅସନା
ଦୋଷ କହି କିଛି ଲାଭ ନାହିଁ ଚାଲ
କରିବା ସଭିଏଁ ଶୋଚନା l
ଏ ମାଟିରୁ ଦିନେ ଭି.ଭି. ଗିରି ପରା
ହୋଇଥିଲେ ରାଷ୍ଟ୍ର ନାୟକ
ବିନାୟକ ସାର୍ ମୁଖ୍ୟମନ୍ତ୍ରୀ ହୋଇ
ରଖି ଯାଇଛନ୍ତି ମହକ l
ଏ ମହାନଗର ନିଗମ କରୁଛି
ଆମ ପାଇଁ କେତେ ଯୋଜନା
ସହଯୋଗ ଯଦି କରିବା ସଭିଏଁ
ପୂର୍ଣ୍ଣ ହେବ ମନସ୍କାମନା l
ଏଥିପାଇଁ ଆସ ଶପଥ କରିବା
ଆଜିର ଏ ଶୁଭ ବେଳାରେ
ମୋ କବିତା ଯଦି ଭଲ ଲାଗିଅଛି
ଜଣାଇବ କର ତାଳିରେ l