Library
ସୁଧାମୟୀ (ଦ୍ବିତୀୟଭାଗ)
ସୁଧାମୟୀ (ଦ୍ବିତୀୟଭାଗ)
ଏ ଧରିତ୍ରୀ ଅବା
ମୋ ଉପସ୍ଥିତିକୁ
କେତେ ଦିନ ଧରି ରଖିବ,
ବାଳୁତ ସମୟୁ
ଆଜି ଯାଏଁ ସିଏ
ଦୁଃଖ ମୋର କେତେ ସହିବ ।
କେତେ ଦିନ ଅବା ବଞ୍ଚିବି,
ସରି ସରି ଆସେ
ଜୀବନ ଆୟୁଷ,
ଆଉ ଅଳ୍ପ ଦିନ
ମୋ ବପୁ - ବୟସ ।
ତୁମ କଥା ମନେ ରଖିବି ।
ପଞ୍ଚଭୂତେ ଯେବେ
ମିଶିବ ଶରୀର
ନାମ କି ରହିବ ଜଗତେ ?
ସଂସାର ଭୁଲିବି
ଭୁଲିବ ସଂସାର
ଥିଲା ବୋଲି କେହି ମରତେ ।
ଆତ୍ମା ଭାବୁଛି ଏ କଥା,
ପ୍ରିୟାକୁ ଖୋଜିବି
ପଞ୍ଚଭୂତ ଦେଶେ,
ଯଦି ନିଏ ଜନ୍ମ
ଭିନ୍ନ ଦେହ ବେଶେ ।
ବୁଣିବି ପ୍ରେମର ବାରତା ।
ମୋ ଅନ୍ତର ତଳେ
ଅଛି ଯେତେ ବ୍ଯଥା
ବିଶ୍ଵ ପ୍ରାଣ କେବେ ବୁଝିବ ?
ଦୁନିଆ ବକ୍ଷରୁ
ହଜିଗଲା ପରେ
ପ୍ରିୟା ଛଡା କିଏ ଖୋଜିବ ?
ଏ କଥା ଜାଣିଛି ଜଗତ,
କେବଳ ଘରଣୀ
ଚିହ୍ନି ପାରେ ମନ,
ପର ପ୍ରୀତି କଥା
ଭାବିଲେ ପରାଣ ।
ସରେ ସିନା ମାନ - ମହତ ।
ଥରିଉଠେ ହିୟା
ଡାକେ ଯେବେ ପ୍ରିୟା
ଆସ ଆସ ପ୍ରିୟ ସଅଳ,
ଭିନ୍ନ ଭିନ୍ନ ପ୍ରଶ୍ନ
ମନେ ଉଙ୍କି ମାରେ
ପ୍ରିୟା ଆଜି କିମ୍ପା ବ୍ଯାକୁଳ ?
ପ୍ରେୟସୀ ମୋ ସମ ବୟସୀ,
ତା' ଅନ୍ତର କଥା
ଜାଣିଛି ହୃଦୟ,
କିସ ପରଶିଲେ
ପାଇବି ବିଜୟ ।
ଭୁଲି ପାରିବନି ପ୍ରେୟସୀ ।
କବି କୁଟୀର
ଦଣ୍ଡାସିଂହା, ବାରକୋଟ
ଦେବଗଡ (ଓଡିଶା)
ମୋ-9668242720
