Library
ଏବେ ବି ରେବତୀ
ଏବେ ବି ରେବତୀ
ବ୍ୟାସ କବି ଫକୀରମୋହନ ସେନାପତିଙ୍କ ଗଳ୍ପ ""ରେବତୀ "" ଉପରେ ........
ସିପ୍ରା ନାମତା ( ନମ୍ରତା )
ଦେଢ଼ଶ ବରଷ ପରେ ଜନମିଛି ବୋଲି
ଶୁଣୁନାହିଁ ବୋଧେ ଲୋ ନିଆଁ ..... ,ଲୋ ଚୁଲ୍ଲୀ ...।
ତଥାପି ଘର କରଣା ଶିଖିବାର ପାଇଁ
ପାଠ ପଢିବାରେ ବାଧା ଆସେ କାଇଁ ? ।
ବ୍ୟାସ କବିଙ୍କର ଓଡିଆ ରେବତୀ ଗଳ୍ପ
ଧୀରେ ଧୀରେ ଆଣିଛି ପରିବର୍ତ୍ତନ ଅଳ୍ପ ।
ନାରୀ ଶିକ୍ଷା ଅନେକ ସଫଳ ହୋଇଛି
ବେଶ ଦମ୍ଭ ମନ ନେଇ ରେବତୀ ଚାଲୁଛି ।
ଉଚ୍ଚ ଶିକ୍ଷିତା ହୋଇ ଗୌରବ ମୁଣ୍ଡେଇ
ତଥାପି ...............ଅବୋଶୋଷ୍ ... ,
ଛାତି ତଳୁ ଦୀର୍ଘଶ୍ଵାସଟିଏ ବାହାରି ଆସୁଛି ।।।
(ଓଡିଆ )ଗଦ୍ୟସାହିତ୍ୟରେ ହେ ପୂଜ୍ୟ ଫକୀରମୋହନ
ତୁମେ ଅଟ ଥୋମାସ ହାର୍ଡ଼ି କହିଥିଲେ ମାୟାଧର ।
ଉନବିଂଶ ଶତକରେ ତୁମ ଗଳ୍ପ ଚହଲେଇଥିଲା
ବାସୁଦେବ ମାଷ୍ଟ୍ରେ ପାଶେ ରେବତୀ ପାଠ ପଢିଥିଲା ।
ଶିକ୍ଷା ଦିଏ ଉନ୍ନତ ଚିନ୍ତା ବୋଲି ଶ୍ୟାମବନ୍ଧୁ ଭାବିଥିଲେ
ତେଣୁ ନାରୀ ଶିକ୍ଷା ବୃଦ୍ଧି ପାଇଁ କଳ୍ପନା ସେ କରିଥିଲେ ।
(ହେଲେ )ଏବେ ବି କିଛି ରେବତୀ ଶିକ୍ଷା ପାଉନାହାନ୍ତି
ଗରିବବୋଲି ପର ଘରେ କାମ ଯାଇ କରନ୍ତି ।
ଏବେ ବି ଅସହାୟ ରେବତୀ ଶିକ୍ଷା ବୋଝ ତଳେ
ଗୃହିଣୀର ମାନଦଣ୍ଡ ହରାନ୍ତି ଯେ ଶିକ୍ଷା ଅନ୍ତରାଳେ ।
ଉପାର୍ଜନ ହୋଇ ବି ସେ ଆତ୍ମ ପ୍ରତ୍ୟୟ ହୀନା
ସମ୍ପୂର୍ଣ୍ଣା ହୋଇ ବି ନିର୍ଭରଶୀଳା ଓ ଦୁର୍ବଳ ମନା ।
ତଥାପି .............ଅବୋଶୋଷ୍ .......
ଅସହିଷ୍ଣୁତାର ଛାତ ତଳେ ରେବତୀ ବଞ୍ଚୁଛି ।।।
ଏବେ ବି ରେବତୀ ଅସହାୟତାର ଝାଡ଼ରେ ବଞ୍ଚିଛି
ଯେଉଁଠି ବାସନାର ବିଷାକ୍ତ କୀଟ ବାଲ୍ୟରୁ ଦଂଶୁଛି ।
ସେଦିନ ହଇଜା ମାରିଥିଲା ଗୋଟିଏ ରେବତୀ
ଆଜି କାମୁକ ମଣିଷ ମାରୁଛି ଅଗଣିତ ରେବତୀ ।
ହଇଜା ଠାରୁ ବି ଭୟଙ୍କର ଏଇ ସଂକ୍ରାମକ ବ୍ୟାଧି
ବିନା ପ୍ରତିଷେଧକରେ ସମାଜରେ ବ୍ୟାପି ଚାଲିଛି ।
ଜୀବନ ମାରଣ ସଂଗ୍ରାମରେ ମରଣ ବିଜୟୀ ହୁଏ
ଶିକ୍ଷା ,ସଂସ୍କାରର ମୂଲ୍ୟ ହଜେ ନିମ୍ନ ଗାମୀ ହୁଏ ।
ଅନ୍ଧ ଗଳି ,ରାଜ ରାସ୍ତାରେ ରେବତୀ ନୁହେଁ ନିର୍ଭୟ
ପଚାରୁଛି ମୁହଁ ଖୋଲି କିଏ ଦେବ ତାକୁ ଅଭୟ ।
କାହିଁକି ଏତେ ଅସୁରକ୍ଷିତ ବୋଲି ରେବତୀ ପଚାରୁଛି
ତଥାପି .............. ଅବୋଶୋଷ୍ ..........
ଶସ୍ତା ରାଜନୀତି ଓ ସମାଜ କହୁଛି
ଏଠି ନାରୀଶିକ୍ଷା ଓ ନାରୀ ସଶକ୍ତିକରଣ ଚାଲିଛି ।।।
କୁହ କୁହ କବି ,ଲେଖକ , ସମାଜପତି
ଏ ପ୍ରଶ୍ନ ର ଉତ୍ତର କିଏ ବା ଦେଇପାରିବ କେମିତି ?
---–-----------
ବାରିପଦା
8249850168
