ସ୍ଵାଗତ ଓଡିଆ ନୂଆ ବରଷ

ସ୍ଵାଗତ ଓଡିଆ ନୂଆ ବରଷ

ସବୁରି ମନରେ ଦିଅ ହରଷ ॥

ପବିତ୍ର ଏ ଦିନ ପଣାସଂକ୍ରାନ୍ତି

ପଣା ପିଇ ସର୍ବେ ହୁଅନ୍ତୁ ଶାନ୍ତି ॥

ବରଷକେ ଥରେ ଆସେ ଏ ଦିନ

ନୂତନ ପଞ୍ଜିକା ହୁଏ ପଠନ ॥

ଗ୍ରାମ ମନ୍ଦିରରେ ଏକତ୍ର ବସି

ପାଞ୍ଜି ଶୁଣି ସର୍ବେ ହୁଅନ୍ତି ଖୁସି ॥

ପୂରା ବରଷର ଶୁଭ ଅଶୁଭ

ବାହାଘର ବ୍ରତ ପୁନିଅଁ ପର୍ବ ॥

ବର୍ଷା,ବାତ୍ୟା ,ଚନ୍ଦ୍ର,ସୂର୍ଯ୍ୟ ପରାଗ

ରାଶିଫଳ ତଥା ମାହେନ୍ଦ୍ର ଯୋଗ ॥

ସମସ୍ତ ବିଷୟ ପାଞ୍ଜିରୁ କାଢି

ଗାଆଁ ଅବଧାନ ଶୁଣାନ୍ତି ପଢି ॥

କାଳକ୍ରମେ ଏ ଦିନର ମହତ୍ୱ

ଫିକା ପଡିଲାଣି ନାହିଁ ଗୁରୁତ୍ଵ ॥

ଆସ ମୋ ଓଡିଆ ଭଉଣୀ ଭାଇ

ପାଳିବା ଏ ଦିନ ହରଷ ହୋଇ ॥

ଏ ଦିନଟି ଆମ ଜାତିର ଗର୍ବ

ମହା ଆଡମ୍ବରେ ପାଳ ଏ ପର୍ବ ॥