କିଛି ସମୟ ତ ମୋତେ ଦେ

କେତେବେଳେ ମୁଁ ତ 

କେତେବେଳେ ସିଏ

ରାଗରେ ତମ ତମ ।

ସବୁ ପୃଷ୍ଠାକୁ ପଢିବା ସମ୍ଭବ ନୁହେଁ

ଏମିତି କଟି ଚାଲିଛି ଏ ଜୀବନ॥

ଅତିକ୍ରାନ୍ତ ହୋଇଛି ସେ ସମୟ ସବୁ 

ଯେତେବେଳେ କିଛି ଶୁଣିଥିଲି ଆଉ

କିଛି କହି ବି ଥିଲି ।

ଏମିତି ଶୁଣିବା ଆଉ କହିବାରେ

ବାଣ୍ଟି ହୋଇ ଯାଇଛି ଏ ଜୀବନ ॥

କିଛି ଖୁସି ଥିଲା କିଛି ଦୁଃଖ ବି

ଓଠରେ କିଛି ହସ ଥିଲା ଆଉ

ଆଖିରେ କିଛି ଲୁହ ବି 

କେବେ ଧାଇଁଛି ତ କେବେ ସ୍ଥିର

ଠିକ୍ ବରଫ ଜମାଟ ବାନ୍ଧିଲା ପରି 

ଏମିତି ବିତି ଚାଲିଛି ଏ ଜୀବନ ॥

ଏବେ ତ ଶେଷ ପ୍ରହର 

ସ୍ଥିର ହୋଇ ଯା ତୁ

ଟିକେ ଜିଇବାକୁ ଦେ ମୋତେ

ମୋ ଇଚ୍ଛା ଅନୁସାରେ 

ଜୀଇଁବାକୁ ଚାହୁଁଛି ମୁଁ

ମୋ ଖୁସିମାନଙ୍କ ମେଳରେ

କିଛି ସମୟ ପାଇଁ 

ତୁ ଏବେ ଆସନାରେ ମୃତ୍ୟୁ 

କିଛି ସମୟ ତ ମୋତେ ଦେ ॥