ଏମିତି କାହିଁକି ହୁଏ

କେବେ କେବେ ହସିଦେଲା ପରେ

ରାଗ ଆସେ ନିଜ ହସ ଉପରେ,

ଆଉ କେବେ ଇଚ୍ଛାହୁଏ ହସାନ୍ତି କି

ଏ ଦୁନିଆଟାକୁ ମୋ ହସରେ ॥

କେବେ ସବୁ ଦୁଃଖକୁ ଲୁଚାଇ ରଖେ

ହୃଦୟର କେଉଁ ଅଜଣା କୋଣରେ,

ଆଉ କେବେ କେବେ ଇଚ୍ଛାହୁଏ

ସବୁକିଛି ଶୁଣେଇ ଦିଅନ୍ତି କାହା ଆଗରେ ॥

କେବେ କେବେ କାନ୍ଦ ଲାଗେନା

ଲଦିହୋଇ ପଡୁ ଯେତେ ଦୁଃଖ ଓ କଷଣ,

ଆଉ କେବେ କେବେ ଛାଏଁ ଛାଏଁ

ଝରିଯାଏ ନୟନରୁ ଲୁହର ଶ୍ରାବଣ ॥

କେବେ କେବେ ବହୁତ ଇଚ୍ଛା ହୁଏ

ବୁଲିବାକୁ ଲଗାମ ଛଡା ହୋଇ,

ଆଉ କେବେ ଇଚ୍ଛା ହୁଏ ରହିବାକୁ

କାହାର ବାହୁବନ୍ଧନରେ ବାନ୍ଧିହୋଇ ॥

ମନ ଚାହେଁ କେବେ କେବେ

ଜୀବନରେ କିଛି ନୂଆ ହେଉ,

ଆଉ କେବେ କେବେ ମନ କହେ—

ନା ଯେମତି ଚାଲିଛି ସେମତି ଚାଲିଥାଉ ॥