Library
ସପନ ନିଦରେ ମୁଁ ଝୁରି ମରେ
ସପନ ନିଦରେ ମୁଁ ଝୁରି ମରେ
ପ୍ରେମ ଧନମନ ଯୌବନ ବିଭବ
ସପନର ଗନ୍ତାଘର ,
ଅଶୁମାରୀ ଆଶା ଗଢେ ପ୍ରେମବସା
ଆହାକି ଏ ରୂପାନ୍ତର ।
ସପନ ନିଦରେ ମୁଁ'ଯେ ଝୁରିମରେ
ଭାବନାର ଅନ୍ତରାଳେ ,
ଆସନ୍ତ'କି ଧନ ପ୍ରେମୀକ ପ୍ରବର ?
ନିଶାର୍ଦ୍ଧ ରାତିର ବେଳେ ।
ନିଦ୍ରାଭଗ୍ନ ହେଲେ ତୁମକୁ ମୁଁ'ଖୋଜେ
ପ୍ରେମର ପରଶ ପାଇଁ ,
ବିଚିତ୍ର ମୋ ପ୍ରେମ ପାଏ ନାହିଁସ୍ପର୍ଶ
ତଥାପି ଝୁରୁଛି ମୁଇଁ ।
ସୁନାର ପଲଙ୍କେ ଶୟନ ମୁଦ୍ରାରେ
ପ୍ରତୀକ୍ଷାରେ ବିତେ ରାତ୍ରୀ ,
ରାତିଯାଏ ସରି ପ୍ରେମଯାଏ ମରି
ଅପସରି ଯାଏ ପ୍ରିତୀ ।
ନିତି ଶେଯପାରି ଲୁହଦିଏ ଢାଳି
ପ୍ରେମର ମୁଁ'ପୂଜାରିଣୀ ,
ମନର ମଣିଷ ମୋ' ପ୍ରେମଆୟୁଷ
ଆସିବେ ନିଶ୍ଚୟ ଜାଣି ।
ଦୂର ପରଦେଶୀ ପ୍ରେମ ଅବକାଶି
ଭାବନାର ଚିତ୍ରଛବି ,
ଜୀବିକା ସ୍ଵଭାଵେ ପରଦେଶେରହେ
ପ୍ରେମର ସୂର୍ଯ୍ୟାସ୍ତ ରବି ।
ହେ ପ୍ରିୟ ପ୍ରେମୀକ ସପନ ବଣିକ
ଆସ ତୁମେ ମୋର ପାଶେ ,
ପ୍ରେମରେ ହଜିବା କହାଣୀ ରଚିବା
ଶୁଭଫଳ ଅବକାଶେ ।
ପ୍ରେମର ମର୍ଯ୍ୟାଦା ରଖିବି ସର୍ଵଦା
ନାଇବି ଶଙ୍ଖା ସିନ୍ଦୁର ,
ଜୀବନ ଯୌବନ ସଵୁତ ତୁମର
ତୁମେ ମୋ ପ୍ରିତୀ ସ୍ଵାକ୍ଷର ।
ପ୍ରତୀକ୍ଷାର ଫଳ ହୋଇବ ମିଷ୍ଠକ
ମହମହ ବାସ୍ନା ହେଵ ,
ଦୁନିଆଁ କହିବ ଏ'ପ୍ରେମର ମହକ
ସ୍ଵପ୍ନର ସ୍ଵର୍ଣ୍ଣାଭ ଭାଵ ।
