Library
ପ୍ରେମ ଚିଠି
ପ୍ରେମ ଚିଠି
ଆଗୋ ବାରମାସୀ ଗେହ୍ଲେଇ ରୂପସୀ
ମଳୟ ସାଜି ଆସ ପ୍ରଶ୍ଵାସରେ,
ବିଶ୍ଵାସର ଗନ୍ତାଘର ତୁମେ ମୋର
ପ୍ରତୀକ୍ଷାର ଅନ୍ତ କର ଗୋ ଥରେ ।
ଆଗୋ କୋମଳାଙ୍ଗୀ ସୁନ୍ଦରୀ ନବୀନା
ସଦେହେ ଥରୁଟେ ଆସ ମୋ ବାଟେ,
କେମିତି ବୁଝେଇ କହିବି କୁହନା
ତୁମ କଥା ଭାବି ମୋ ଦିନ କାଟେ ।
ମୁଁ ଖାଲି ତୁମର ଭାବି ମୁଁ ନେଇଛି
ଭାବି ଦେଖ ଥରେ ହୃଦୟ ଦେଇ,
ଯେତେ ଦିନଯାଏ ଭାବ ଥିବ ଭବେ
ଭୁଲି ଯିବିନି ଗୋ ମୁଁ ଭଲ ପାଇ ।
ପ୍ରତି ସଫଳତା ମୋ ପ୍ରେମ କବିତା
ଯା' ପଛରେ ଅଛି ତୁମରି ନାମ,
ପ୍ରତି ମୁହୂର୍ତ୍ତରେ କବିତାର ସ୍ବରେ
ସେଥିପାଇଁ ଗାଏ ତୁମ ସୁନାମ ।
ମନ ସିଲଟରୁ ତୁମ ଛବି କେବେ
ଯେତେ ଚେଷ୍ଟା କଲେ ଲିଭିବ ନାହିଁ,
ସପନରେ ନୁହେଁ ସତରେ ଟିକିଏ
ଦେଖାଦିଅ ମିତ ଥରୁଟେ ପାଇଁ ।
ନ ଲାଗିବ ବୋଲି କାହାରି ନଜର
ହୃଦୟରେ ତତେ ଲୁଚେଇ ଥିଲି,
ପ୍ରବେଶ ନିଷେଧ ଦ୍ବାରେ ଲେଖିଦେଲେ
ଯେବେ ତୁମ୍ଭ ପାଶେ ମୁଁ ଛିଡା ହେଲି ।
ତୁମ ପ୍ରେମ ଆଗେ ଆଜି ମୁଁ ଅଯୋଗ୍ୟ
କେମିତି କହିବି ମୋ ମନ କଥା,
ଏମିତିକା ଦୁଃଖ ଅସହ୍ୟ ମୋ ପାଇଁ
ନ କହିବା ଭଲ ମରମ ବ୍ୟଥା ।
କେବେ ଯଦି କିଛି ଆବଶ୍ୟକ ପଡେ
ମାଗିନେବ ମୋଠୁ ବାକି ଯା' ଅଛି,
ଖୁସି ଟିକେ ଯଦି ଦେଇ ପାରିବିନି
ଦେଇ ତ ପାରିବି ଭାବନା କିଛି ।
କବି କୁଟୀର
ଦଣ୍ଡାସିଂହା, ବାରକୋଟ
ଦେବଗଡ (ଓଡିଶା)
ମୋ- 09668242720
