Click here for New Arrivals! Titles you should read this August.
Click here for New Arrivals! Titles you should read this August.

Writer Roja Panda

Inspirational


5.0  

Writer Roja Panda

Inspirational


ତପୁ ଓ ରିଙ୍କି

ତପୁ ଓ ରିଙ୍କି

3 mins 394 3 mins 394


ସେଦିନ ତପୁ ତା ପ୍ରେମିକା ରିଙ୍କିକୁ ଗାଡି ପଛରେ ବସେଇ ଗାଁ ଦାଣ୍ଡ ଦେଇ ଗଲାବେଳେ ହଠାତ କେଦାର ମୋଉସାଙ୍କ ଆଖିରେ ପଡିଗଲା । କେଦାର ମଉସା ତପୁର ପଡୋଶୀ । ଭାରି ଗପୁରା ଲୋକଟିଏ । ତପୁ ଗାଡି ପଛରେ ଗୋଟେ ଝିଅକୁ ବସିଥିବାର ଦେଖି ସେ ସଙ୍ଗେ ସଙ୍ଗେ ଯାଇ ଗାଁଟା ସାରା ଡିଙ୍ଗୁରା ପିଟିଦେଲେ । ଏକଥା ତପୁର ମାଆ କାନରେ ପଡ଼ିଲା । ତପୁର ମାଆ ଏକଥା ଶୁଣି ଘର ଭିତରଟା ସାରା ଖାଲି ଏପଟ ସେପଟ ହେଉଥାନ୍ତି । କେମିତି ତପୁ ଘରକୁ ଆସିବ ଆଉ ତାକୁ ସେ ଝିଅ ବିଷୟରେ ପଚାରିବେ । ଶେଷରେ ତପୁ ଆସି ଘରେ ପହଞ୍ଚିଲା । ମାଆ ସଙ୍ଗେ ସଙ୍ଗେ ତପୁ ପାଇଁ ଖାଇବା ବାଢ଼ିଦେଲେ । ଏବଂ ଅନ୍ୟ ଦିନ ତୁଳନାରେ ଟିକିଏ ଅଧିକା ଯତ୍ନ କରିଚାଲିଲେ । ମାଆଙ୍କର ଅଦିନିଆ ଝଡ ପରି ଏତେ ସ୍ନେହ ଶ୍ରଦ୍ଧା ଦେଖି ତପୁ ହଠାତ କିଛି ବୁଝିପାରିଲାନାହିଁ । ସେ ତାର ଖାଇ ଚାଲିଲା ।ଆରେ ଏ କଣ ? ଅନ୍ୟ ଦିନ ଅପେକ୍ଷା ଆଜି କଣ ଏତେ ପ୍ରକାର ଖାଦ୍ୟ ଦରବ ? "କିଛି ସ୍ପେସିଆଲ ଅଛି କି ମାଆ"? ତପୁ ମାଆକୁ ପଚାରିଲା । 

ମାଆ କହିଲେ, ନାଁ ତ । ମୁଁ ପରା ଏସବୁ ମୋ ପୁଅ ପାଇଁ ତିଆରି କରିଛି । ତୁ ଖାଆ ବାପା,ଖା । ତପୁ ଟପାଟପ ଖାଇଚାଲିଥାଏ । ଏତିକିବେଳେ ମାଆ ପଚାରିଲେ, ସେ ଝିଅଟା କିଏ କିରେ ? ତପୁ ଆଁ କରି ଆଶ୍ଚର୍ଯ୍ୟରେ ମାଆକୁ ଚାହିଁଲା ଆଉ ମନେମନେ ଭାବିଲା ମାଆ କୋଉ ଝିଅ ବିଷୟରେ କହୁଛି,ସେ ଆଉ ରିଙ୍କି ବିଷୟରେ ପଚାରୁନି ତ ? ମାଆ ପୁଣି ଥରେ ପଚାରିଲେ,କିରେ କହୁନି ? 

ତପୁ କହିଲା, କୋଉ ଝିଅ ମୁଁ ତ ଜାଣିନି ? ମାଆ ତୋର କଣ ତୋ ପୁଅ ଉପରେ ଭରସା ନାହିଁ ? ମୁଁ କୋଉ ଝିଅକୁ ଜାଣିନି । ତପୁର ମୁହଁରୁ ଏମିତି ଶୁଣି ମାଆ କହିଲେ,ମୁଁ ଜାଣିଥିଲି ପରା ମୋ ପୁଅ ପୁରା ସୁନା ମୁଣ୍ଡାଟାଏ । ସେ କେଦାର ଆଉ କାହାକୁ ଦେଖିଥିବ ? ମିଛରେ ମୋ ପୁଅ ବୋଲି କହୁଛି । ମାଆଙ୍କ ଠାରୁ ଏମିତି ଶୁଣି ତପୁ ଜାଣିଗଲା ଯେ କେଦାର ମଉସା ଏସବୁ ମାଆକୁ କହିଛି । ସେଦିନ ତ ତପୁ ସମସ୍ତଙ୍କ ନଜରରୁ ବଞ୍ଚିଗଲା କିନ୍ତୁ ସତ ଆଉ କେତେ ଦିନ ଲୁଚିବ । ଏମିତି କିଛିଦିନ ବିତିଗଲା । ଏପଟେ ରିଙ୍କି ଘରେ ରିଙ୍କି ପାଇଁ ବୋହୁତ ଜାଗାରୁ ବିବାହ ପ୍ରସ୍ତାବ ଆସି ପହଁଚିଲା । ରିଙ୍କି ଏସବୁ ବିଷୟରେ ତପୁକୁ କହିଲା । ତପୁ କେମିତି ନିଜ ପ୍ରେମ ବିଷୟରେ ଘରେ କହିବ କିଛି ବାଟ ପାଇଲାନାହିଁ । ଦୀର୍ଘ ସାତବର୍ଷ ଧରି ଯେଉଁ କଥା ଘରଲୋକଙ୍କୁ ଲୁଚେଇଥିଲା ତାହା ଆଜି କେମିତି ବଖାଣିବ କିଛି ବୁଝିପାରିଲାନାହିଁ । ଶେଷରେ ସାହସ କରି ମାଆଙ୍କୁ କହିଲା । ମାଆ ଯାଇ ବାପାଙ୍କୁ କହିଲେ । ବାପାଙ୍କର କିନ୍ତୁ ଏକା ଜିଦ୍ ଯେ ସେ ଝିଅ ସହିତ ତପୁର ବିବାହ ହେଇପାରିବନାହିଁ । ତପୁ ବିଚରା କଣ କରିବ ? ନିରୁପାୟ ସେ । ବାପାଙ୍କ ସାମ୍ନାରେ ମୁହଁ ଖୋଲି କିଛି କହିବାର ସାହସ ତାର ନାହିଁ । ଏମିତି ଅସନ୍ତୋଷରେ କିଛିଦିନ ବିତିଗଲା । ତପୁ ମନରେ ଭୟ । ସେ କଣ ତା ପ୍ରେମୀକାକୁ ହରେଇଦେଵ ? ତାର ଏତେ ଦିନର ପବିତ୍ର ପ୍ରେମ କଣ ଆଧୁରା ହେଇ ରହିଯିବ ? ଏମିତି ଅନେକ ପ୍ରଶ୍ନ ତପୁ ମନରେ ଉଙ୍କି ମାରୁଥାଏ । 

ଦିନେ ହଠାତ ତପୁର ବାପାଙ୍କ ଦେହ ଭୀଷଣ ଖରାପ ହେଲା । ସେତେବେଳକୁ ତପୁ ଘରେ ତପୁକୁ ଛାଡି ଆଉ କେହି ନଥାନ୍ତି । ତପୁ ବାପାଙ୍କୁ ନେଇ ମେଡ଼ିକାଲ ଗଲା । ସେଠି ତପୁର ବାପା ସାତଦିନ ଚିକିତ୍ସାରେ ରହିଲେ । ଠିକ୍ ସେଇ ସମୟରେ ରିଙ୍କି ନିଜର ବଦାନ୍ୟତା ଦେଖାଇଲା । ତପୁର ବାପାଙ୍କୁ ଦେଖିବାପାଇଁ ମେଡ଼ିକାଲ ଗଲା । ସେଠି ଯାଇ ବାପାଙ୍କର ବହୁତ ସେବା ଶୁଶ୍ରୁଷା କଲା । ରିଙ୍କିର ନିଷ୍କପଟ ସେବା ଶୁଶ୍ରୁଷା ଫଳରେ ତପୁର ବାପା ପୁରାପୁରି ଠିକ୍ ହେଇଗଲେ । ଶେଷରେ ତପୁର ବାପା ନିଷ୍ପତ୍ତି ନେଲେ ଯେ ରିଙ୍କି ସହିତ ହିଁ ତପୁର ବିବାହ ହେବ । ପ୍ରକୃତରେ ବିପଦରେ ପଡିଥିବା ସମୟରେ ଯିଏ ପାଖରେ ଠିଆ ହୁଏ ସେ ହିଁ କିଛି ସମ୍ପର୍କ ନଥାଇ ମଧ୍ୟ ବହୁତ ଆପଣାର ହେଇଯାଏ । ଆଜି ତପୁ ଆଉ ରିଙ୍କିର ବିବାହ ସରି ତାଙ୍କର ଗୋଟେ ଛୋଟ ପୁଅଟିଏ ହେଇଛି । ସେମାନେ ଏବେ ବହୁତ ଖୁସି । ତାଙ୍କ ପ୍ରେମ ଶାଶ୍ୱତ ଏବଂ ପବିତ୍ର । 

ଏହା ଥିଲା ରିଙ୍କି ଆଉ ତପୁର ପ୍ରେମ କାହାଣୀ । ମୁଁ ରୋଜା ଆଗକୁ ଆହୁରି ନୂଆ ନୂଆ ପ୍ରେମ,ମିଳନ ଆଉ ବିଚ୍ଛେଦ ଭାରା କାହାଣୀ ନେଇ ଆସିବି । ସେ ପର୍ଯ୍ୟନ୍ତ ବିଦାୟ । 




Rate this content
Log in

More oriya story from Writer Roja Panda

Similar oriya story from Inspirational