Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Lalita Mohan Mishra

Abstract


2  

Lalita Mohan Mishra

Abstract


ସମ୍ପର୍କର ପରିଭାଷା

ସମ୍ପର୍କର ପରିଭାଷା

4 mins 541 4 mins 541


     - ସମ୍ପର୍କ କହିଲେ ସାଧାରଣତଃ ସ୍ବାମୀ ସ୍ତ୍ରୀ, ପ୍ରେମିକ ପ୍ରେମିକାର ଭଲପାଇବାକୁ ପ୍ରାୟ ସମ୍ପର୍କ ବୁଝାଇଥାଏ। ଲୋକମାନେ କିନ୍ତୁ ଭଲ ପାଇବାର ଅସଲ କାରଣ ଭୁଲି ଯାଇଛନ୍ତି, ସେଥିପାଇଁ ବୋଧେ ସମ୍ପର୍କ ଭଲଭାବେ ଯୋଡି ହବା ପୂର୍ବରୁ ଭାଙ୍ଗି ଯାଉଛି ।

- ସମ୍ପର୍କ ଭାଙ୍ଗିବାର ବହୁତ ଗୁଡାଏ କାରଣ ହୋଇପାରେ - ୧. ମନ ଅଲଗା ୨. ଭାବ ଅଲଗା ୩. ଭାବଧାରା/ଚିନ୍ତାଧାରା ଅଲଗା ୪. ସୁନ୍ଦର ଜୀବନ ସହିତ ଖାପଖୁଆଇ ନ ପାରିବା / ଆର୍ଜଷ୍ଟ ନ ହୋଇ ପାରିବା ୫. ପରିବେଶ/ପରିସ୍ଥିତି ଇତ୍ୟାଦି ଏଭଳି ଅନେକ ଗୁଡିଏ କାରଣ ରହିଛି ସମ୍ପର୍କ ଯୋଡିବା ଓ ଭାଙ୍ଗି ବାରେ ।

- ସଂସାର ରୂପକ ସାଗରରେ ଜୀବନ ରୂପକ ଡଙ୍ଗାକୁ ଠିକ୍ ଭାବରେ ବାହି ପାରିଲେ , ଜୀବନ ସୁନ୍ଦରମୟ ସୁଖମୟ ଆନନ୍ଦମୟ ହୁଏ। ଯଦି ମନଭାଙ୍ଗି ଯାଏ ସନ୍ଦେହ ସୃଷ୍ଟି ହୁଏ । ସନ୍ଦେହ ସୃଷ୍ଟି ହେଲେ ସ୍ଵାମୀ ସ୍ତ୍ରୀ ସମ୍ପର୍କରେ ଫାଟ ଆସେ ଏବଂ ବିଶ୍ଵାସ ରହେନାହିଁ ସମ୍ପର୍କ ଧିରେ ଧିରେ ଭାଙ୍ଗିଯାଏ ।

- କୌଣସି ଏକ କାମରେ ସେଦିନ ବୁଗୁଡ଼ା ଥାନାକୁ ଯାଇଥାଏ । ବଡ ବାବୁଙ୍କୁ ଅପେକ୍ଷାରତ । ଛୋଟିଆ ପିଲାଟି କାରାଗାର ଆଡକୁ ଯାଉଥାଏ ପୁଣି ଭୟତ୍ରସ୍ତ ଅବସ୍ଥାରେ ମାଆ ପାଖକୁ ଫେରି ପଳାଇ ଆସୁଥାଏ , ମାଆର ପଣତ କାନି ଘୋଡାଇ କିଛି ସମୟ ନିରବ ରହିଯାଉଥାଏ ।

- ଦୃଶ୍ୟଟି ଦେଖିବାକୁ ଯେତିକି ସୁନ୍ଦର ଏବଂ ଭାବାବେଗ ଲାଗୁଥାଏ ତାର ରହସ୍ୟ ଉନ୍ମୋଚନ କରିବାକୁ ସେତିକି ବ୍ୟାକୁଳତା ଲାଗୁଥାଏ ।

- ନମିତା ସଂସାରର ଚାରି ଦଉଡି କାଟି, ଚାରି ଦଉଡି କହିଲେ ତ ହେବ ନାହିଁ । ପୁଅ ସିନା ଚାରି ଦଉଡି କଟା କିନ୍ତୁ ଝିଅଟି ସଂସାରର ସମସ୍ତ ବନ୍ଧନ ଛିନ୍ନ କରି ଅର୍ଥାତ୍ ଷୋଳହ ଦଉଡି କାଟି ନରି ଗୌଡ ସାଥିରେ ଘରୁ ଗୋଡ କାଢି ପଳାଇ ଆସିଥିଲା ।

- ବାପା ମାଆଙ୍କୁ ନ ଜଣାଇ ଆସି ଥିବାରୁ, ସମାଜର କଳଙ୍କ ଦୃଷ୍ଟିରୁ ଆମ ପାଇଁ ଆମର ଝିଅ ନମିତା ସବୁଦିନ ମରିଗଲା ବୋଲି ଅନୁଭବ କରି ନମିତାର ବାପାମାଆ ସମସ୍ତ ସମ୍ପର୍କ ଛିନ୍ନ କରିଦେଲେ ।

- ଏପଟେ ନରି ଗୌଡ ନମିତାକୁ କିଛି ଦିନ ଭୁବନେଶ୍ଵରରେ ରଖିଲା । କାମଦାମ କଲା ଯାହା ରୋଜଗାର କରେ ଦୁଇ ପ୍ରାଣୀ ଆନନ୍ଦରେ ଚଳନ୍ତି। ଭୁବନେଶ୍ବରରେ ରହିବା ସମୟରେ ନରି ଗାଆଁ କୁ ଏକାଏକା ଆସେ । ପୂର୍ବରୁ ଗାଁ ପାଖରେ ତାର ଗୋଟିଏ ଝିଅ ସହିତ ସମ୍ପର୍କ ଥିଲା । ସେ ଝିଅ ଏବେ ବି ଅବିବାହିତା ।

- ଧିରେ ଧିରେ ନମିତା ଓ ନରି ଭିତରେ ସନ୍ଦେହ ସୃଷ୍ଟି ହେଲା । ସନ୍ଦେହର ଅଡୁଆ ସୁତା ବଢିଲା, ଯାହା ଛିଣ୍ଡିଲା ନାହିଁ । ଦୁଇ ଜଣଙ୍କ ଭିତରେ ଫାଟ ଦେଖାଦେଲା ।

- ଘରସଂସାର କରିବାର ଦୁଇବର୍ଷ ପରେ ହୋଇଯାଇଥିଲା । ପୁଅଟି ସାତ ଆଠ ମାସର । ଦୁଇଜଣଙ୍କ ଭିତରେ ସାମାନ୍ୟ କଥାରେ ଯୁକ୍ତି ତର୍କ, ମନୋମାଳିନ୍ୟ । ଯେ ଯାହାର କଥାରେ ଅଟଳ । ଜଣେ ଜଣକ କଥାରେ ଯୁକ୍ତି ତର୍କ ନକରି ସହିଯିବା ଦେଖାଯାଉ ନ ଥିଲା ।

- ନମିତା ବି ଭାରି ନଖରୀ । ଗୋଟିଏ କଥାକୁ କହୁଥିବ ତ ଆଘାତ ଦେଲା ଭଳି କହୁଥିବ । ମରଦ ପୁଅ ରାଗିଲେ ଭାରି ଅସୁବିଧା, ସେକଥା ସେ ଅନୁଭବ କରିପାରୁ ନ ଥାଏ ।

- ଗୋଟିଏ ଛାତ ତଳେ ରହିବା ବୋଲି ସମାଜ, ଜାତି, ଧର୍ମ, ପରିବାର ଏ ସବୁକୁ ପଛରେ ପକାଇ ନରି ଓ ନମିତା ଜନ୍ମ ଜନ୍ମର ସାଥୀ ବନ୍ଧନରେ ବାନ୍ଧି ହୋଇଥିଲେ । ପ୍ରେମ, ସ୍ନେହ, ତ୍ଯାଗ, ସହାନୁଭୂତି, ସମର୍ପଣ ଦୁଇ ଜଣଙ୍କୁ ଏକାଠି ବେଶୀ ଦିନ ରଖି ପାରୁ ନ ଥାଏ ।

- ହଠାତ୍ ଦିନେ ନମିତାର କଥାରେ ଉତ୍ୟକ୍ତ ହୋଇଗଲା ନରି । ନମିତା ଧରିଥିବା ପ୍ରେସର କୁକରର ଢାଙ୍କୁଣୀଟି ଛଡାଇ ଆଣି ନମିତାର ମୁଣ୍ଡକୁ ପିଟିଦେଲା । ନମିତାର ମୁଣ୍ଡରୁ ରକ୍ତ ଗୁଡିକ ବୋହି ଯାଉଥାଏ ।

- ଏ ସବୁ ଦୃଶ୍ୟ ଗୁଡିକ ବାଳୁତ ପୁଅଟି ଦେଖୁଥାଏ । ସେ ଅବା କ'ଣ ଜାଣେ ? କିନ୍ତୁ ମାଆର କାନ୍ଦିବାଟା ବୋଧହୁଏ ଅନୁଭବ କରିପାରୁଥାଏ । ଆମର କାନ୍ଦିବା ଉପରେ ବାପା ଉପରେ କ୍ରୋଧାନ୍ୱିତ ହେବାର ଭାବ ଜଣା ପଡୁଥାଏ ।

- ନମିତା ନିଜର ସ୍ବାମୀ ନରିକୁ ଉଚିତ୍ ଶିକ୍ଷା ଦେବା ପାଇଁ ରକ୍ତାକ୍ତ ଅବସ୍ଥାରେ ଥାନାରେ ହାଜର  । ଥାନା ବାବୁ ଦେଖି ସମସ୍ତ ବିଷୟ ଶୂଣିବା ପରେ ସଙ୍ଗେ ସଙ୍ଗେ ଗାଡି ପଠାଇ ନରିକୁ ଆରେଷ୍ଟ କରି ଧରି ଆଣିଲେ । ନରିକୁ କାରାଗାରରେ ରଖିଲେ । ଯେ ଯାହାର ଦୋଷ ଅନ୍ୟ ଉପରେ ଲଦିଲେ ।

- ଦୁଇ ଜଣଙ୍କ ମଧ୍ଯରୁ କେହି ଆପୋଷ ବୁଝାମଣା ହେବାକୁ ଇଚ୍ଛା କଲେ ନାହିଁ । ଦୁଇଦିନ ବିତିଗଲା, ନିଜ ରକ୍ତରେ ଗଠିତ ଛୁଆ ଥାନା ଭିତରେ ଅଣ ନିଶ୍ବାସୀ ହୋଇପଡୁଥାଏ । କିଛି ସମୟ ବାପା ଆଡକୁ ଯାଉଥାଏ - ବାପା କାଳେ ମାଆକୁ ବାଡେଇଲା ଭଳି, ବାଡେଇ ଦେବ । ଏହି ଭୟରେ ପଳାଇ ଆସେ ! ! ଏପଟେ ଥାନା ବାବୁ ଦିନ ଗଡାଇବାର ଲାଗିଥାନ୍ତି ସିନା ନରିକୁ ଫରଓ୍ବାଡ୍ କରିବାକୁ ଇଚ୍ଛା କରୁ ନ ଥାନ୍ତି ।

- ଶେଷରେ ମହିଳା ସହକାରୀ ଥାନା ଅଧିକାରୀ ଦୁଇଜଣଙ୍କୁ ଡାକି ଧମକ ଚମକ ଦେଇ ବୁଝାଇ ସୁଝାଇ, କେଶ୍ ନ କରି ଏକାଠି ରହିବାକୁ ପରାମର୍ଶ ଦେଲେ । ରାଜି ନ ହେଲେ ନରିକୁ ଜେଲ୍ ପଠାଇ ଦେଲେ ତୁ କିପରି ଚଳିବୁ ବୋଲି ନମିତାକୁ ପ୍ରଶ୍ନ କରିଥିଲେ ?

- ପୁଅର ମୁହଁକୁ ଦୁଇଜଣଯାକ ଚାହିଁ ଏକାଠି ରହିବାକୁ ନିଷ୍ପତ୍ତି ନେଇଥିଲେ । ଥାନାରେ ନରି ଆଉ କେବେ ସ୍ତ୍ରୀ କୁ ବାଡେଇବି ନାହିଁ ବୋଲି ଲେଖି କରି ଆସିଲା । ଥାନାରେ ଥାନା ବାବୁ ନରିକୁ ପରାମର୍ଶ ଦେଇଥିଲେ ସ୍ତ୍ରୀ ର ହାତ ଧରି ପୁଅକୁ ସାଥିରେ ନେଇ ଘରକୁ ଯାଆ ! ! !

- ସମ୍ପର୍କରେ ଯେପରି ଆଉ କେବେ ଅଭେଦ ସୃଷ୍ଟି ନ ହୁଏ ସେଥିପ୍ରତି ଦୁଇ ଜଣ ଯାକ ସତର୍କ ରହିବାକୁ କହିଥିଲେ । ଦୁଇଜଣ ଯାକ ତିନି ଦିନ ପରେ ଥାନାରୁ ମୁକ୍ତି ପାଇଥିଲେ ।

- ସମ୍ପର୍କ ଭାଙ୍ଗିଯିବା ଅତି ସହଜ କିନ୍ତୁ ବିଶ୍ବାସର ସମ୍ପର୍କ ଯୋଡ଼ିବା ଏତେ ସହଜ ନୁହେଁ । ସ୍ବାମୀ ସ୍ତ୍ରୀ ପ୍ରତ୍ୟେକଟି କାର୍ଯ୍ୟରେ, ପ୍ରତ୍ୟେକଟି କଥାରେ ପରସ୍ପରକୁ ସମ୍ମାନ ଜଣାଇବା ଏବଂ ଉଭୟଙ୍କର ସମ୍ମତି ରହିବା ଭଳି କାର୍ଯ୍ୟ କରିବା ଉଚିତ୍ ।

- ପତିପତ୍ନୀଙ୍କ ମଧ୍ଯରେ ଗଭୀର ସ୍ନେହ, ପ୍ରେମ, ବିଶ୍ବାସ, ଭରସା, ସମ୍ମାନ, ପରସ୍ପର ପ୍ରତି ସମର୍ପିତ ଭାବ ହିଁ ସମ୍ପର୍କର ବା ସୁଖଦାମ୍ପତ୍ୟ ଜୀବନର ମୂଳ ଉତ୍ସ । ତେଣୁ ଉଭୟଙ୍କ ମଧ୍ୟରେ ମଧୁର ସମ୍ପର୍କ ରହି ଜୀବନ ରୂପକ ଡଙ୍ଗାକୁ ସଂସାର ରୂପକ ସାଗରରେ ବାହିଲେ ମଙ୍ଗଳମୟ ହେବ ......


Rate this content
Log in

More oriya story from Lalita Mohan Mishra

Similar oriya story from Abstract