Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Jena

Abstract Romance Fantasy


2.0  

Anita Jena

Abstract Romance Fantasy


ପ୍ରେମ ର ସଂଜ୍ଞା

ପ୍ରେମ ର ସଂଜ୍ଞା

4 mins 240 4 mins 240


ରାଜା ତୁ ବୁଝୁନୁ କଣ ପାଇଁ ? କେତେ ଥର ଆଉ ସେ ତତେ ପ୍ରେମ ନିବେଦନ କରିବ ? ସେ ଗୋଟିଏ ଝିଅ ହେଇ ବି ନିଜ ମନ କୁ ଏତେ ସହଜ ରେ କହି ଦେଇ ପାରୁଛି ହେଲେ ତୁ? ଛିଃ ସାଙ୍ଗ ଛିଃ ତୁ ଏତେ ହୃଦୟ ହୀନ କେମିତି ହେଇ ପାରୁଛୁ ? ଥରେ ତ ବୁଝିବାକୁ ଚେଷ୍ଟା କର । ଏମିତି ବିରକ୍ତ ଭାବ ପ୍ରକାଶ କରି ରାଜା ଉପରେ ଚିଲ୍ଲେଇ ଉଠିଲା ନବୀନ । 

ରାଜା - ତୁ ଆଉ ମୋତେ ବୁଝେଇବା ପାଇଁ ଚେଷ୍ଟା କର ନାହିଁ । ମୁଁ ସବୁ ଜାଣିଛି ସେ ଝିଅ ଆଉ ସେ ପ୍ରେମ କିଛି ବି ଜରୁରୀ ନୁହେଁ ମୋ ପାଇଁ । ପ୍ରେମ କେବଳ ଏମିତି ଗୋଟିଏ ସମ୍ପର୍କ ଯୋଉଠି କେବଳ ଦୁଃଖ ଆଉ ଯନ୍ତ୍ରଣା ହିଁ ମିଳିବ । ମୋତେ ଏ ପ୍ରେମ ରେ ପଡି ଜୀବନ କୁ ନଷ୍ଟ କରିବାର ନାହିଁ । ତୁ ଚାଲି ଯା ଏଠୁ । 

ନବୀନ - କଣ କହିଲୁ ତୁ ? ପ୍ରେମ ତୋ ଜୀବନ କୁ ନଷ୍ଟ କରିଦେବ ? ତୁ କଣ ଭୁଲି ଗଲୁ ସ୍ଵାତୀ ସହ ବିତେଇ ଥିବା ସବୁ ମୁହୂର୍ତ୍ତ କୁ ? ସେତେବେଳେ ତ କହୁ ନ ଥିଲୁ ତୁ ପ୍ରେମ କଷ୍ଟ ଆଉ ଯନ୍ତ୍ରଣା ଦାୟକ ବୋଲି ? 

ରାଜା - ତୁ ଭଲ ଭାବେ ଜାଣିଛୁ ନବୀନ କଣ ପାଇଁ ମୁଁ ମନା କରୁଛି ? ସ୍ଵାତୀ ..... କେତେ ଭଲ ନ ପାଇ ଥିଲି ମୁଁ ତାକୁ ? ହେଲେ ସେ କଣ କଲା ? କେତେ ସହଜ ରେ ଆଉ କାହା ହାତ ଧରି ଚାଲିଗଲା ? ଥରେ ବି ଭାବିଲା ନାହିଁ ସେ ଛାଡ଼ି ଚାଲି ଗଲା ପରେ ମୁଁ କେମିତି ବଞ୍ଚିବି । 

ନବୀନ - କଣ ସବୁ ଝିଅ ସମାନ? ସ୍ଵାତୀ ତତେ ଧୋକା ଦେଲା ବୋଲି କଣ ମାମୁନି ବି ଧୋକା ଦବ ? ଗୋଟିଏ ବର୍ଷ ହେଲାଣି ସେ ତୋର ଅପେକ୍ଷା କରି ରହିଛି ଆଉ ତୁ କହୁଛୁ ତାକୁ ମନା କରିଦେବୁ ! 

ରାଜା - ମୁଁ ତ ତାକୁ କହି ନାହିଁ ମୋ ପାଇଁ ଅପେକ୍ଷା କରିବାକୁ ? ସେ କଣ ପାଇଁ ଅପେକ୍ଷା କରିଛନ୍ତି ମୋତେ । ମୁଁ ତ ତାଙ୍କୁ ଚିହ୍ନି ବି ନାହିଁ । 

ନବୀନ - ତୁ ସିନା ଜାଣିନୁ ତାକୁ । ହେଲେ ସେ ତ ତତେ ଜାଣିଛି ନା । ତୋ ପାଇଁ ସେ ନିଜ ଘର ଛାଡ଼ି ଆସି ଏଠି ରହିଛି । 

ରାଜା - ଦେଖେ ସାଙ୍ଗ କେହି ନ ଜାଣିଲେ ବି ତୁ ଭଲ ଭାବରେ ଜାଣିଛୁ । ମୁଁ ମୋ ଜୀବନ ଠୁ ବି ବେଶୀ ଭଲ ପାଉଥିଲି ସ୍ଵାତୀ କୁ । ହେଲେ ଟଙ୍କା ତା ପାଇଁ ଏତେ ବଡ଼ ହେଇ ଗଲା ଯେ ସେ ମୋତେ ଭୁଲି ଯାଇ ଆଉ କାହା ସାଙ୍ଗ ରେ ଚାଲିଗଲା । 

  ତୁ ଜାଣିନୁ ସାଙ୍ଗ ପ୍ରେମ ସବୁବେଳେ ଗୋଟିଏ ଦୁଃଖ ଆଉ ଯନ୍ତ୍ରଣା ର ପାହାଡ଼ । ପ୍ରେମ କଲେ ଖୁସି ନୁହେଁ କେବଳ ଲୁହ ସହିବାକୁ ପଡେ । ମୁଁ ଯେତିକି କଷ୍ଟ ସହିଛି ମୋ ଜୀବନ ରେ ଆଉ ଥରେ ସେ ପ୍ରେମ ରେ ପଡି ଆଉ କଷ୍ଟ ସହିବାକୁ ଚାହୁଁ ନାହିଁ । ସ୍ଵାତୀ ର ସେ ଧୋକା ମୋ ଜୀବନ ର ମୋଡ଼ କୁ ବଦଳେଇ ଦେଇଛି । ପ୍ରେମ ଉପରେ ମୋର ଆଉ କୌଣସି ଭରସା କି ବିଶ୍ବାସ ନାହିଁ । ପ୍ରେମ ର ମୁଳଦୁଆ ସବୁବେଳେ ବିଶ୍ବାସ ହିଁ ହେଇଥାଏ ହେଲେ ଆଜି କା ଦୁନିଆ ରେ ପ୍ରେମ ର ସଂଜ୍ଞା ହିଁ ବଦଳି ଯାଇଛି । 

  ସ୍ଵାତୀ ତ ମୋ ପିଲାଦିନ ର ସାଙ୍ଗ ଥିଲା , ସେଥିରେ ବି ମୁଁ ତାକୁ ଜାଣି ପାରିଲି ନାହିଁ । ଆଉ ସେ ମୋ ମନର ଭାବନା କୁ ବୁଝି ପାରିଲା ନାହିଁ । ଆଉ ମୁଁ ମାମୁନି କୁ ତ ମୁଁ ଜମା ବି ଜାଣି ନାହିଁ । କେତେ ଦିନ ହେଲା ସେ ମୋତେ ଜାଣିଛି । 

ତୁ ଏ ସବୁ ଛାଡ଼ି ଦେ । ମନ ରୁ କାଢି ଦେ । ସେ ତତେ ଭାଇ କରିଛି ନା ତାହେଲେ ତୋ ଭଉଣୀ କୁ ବୁଝେଇ ଦେବୁ ମୋ ଠାରୁ ସେ ପ୍ରେମ ବନ୍ଧନ ର ଆଶା କରିବା ଛାଡ଼ି ଦେଉ । ମୁଁ କେବେ ବି ତାକୁ ସ୍ଵୀକୃତି ଦେଇ ପାରିବି ନାହିଁ । 

ନବୀନ - ଛାଡ଼ ତତେ ଆଉ ବୁଝେଇ କିଛି ଲାଭ ନାହିଁ । ତୁ କେବେ ହେଲେ ବି ଜୀବନ ରେ ଖୁସି ପାଇବୁ ନାହିଁ । ଏତେ ଭଲ ପାଉଛି ସେ ହେଲେ ତୁ ..... ଯିଏ ତତେ ଭଲ ପାଉ ନ ଥିଲା ତା ପଛ ରେ ଏତେ ସବୁ କରି ଦେଉ ଥିଲୁ ହେଲେ ଯିଏ ତତେ ଏତେ ଭଲ ପାଉଛି ତାକୁ ତୁ ଟିକେ ବି ନଜର ଦଉନୁ । ଠିକ୍ ଅଛି ମୁଁ ତାକୁ ଜଣେଇ ଦେବି ଆଉ ସେ ଯଦି ତା ପରେ ବି ତୋର ଅପେକ୍ଷା କରେ ତାହେଲେ ମୁଁ କହିବି ତା ଠୁ ବଡ଼ ମୂର୍ଖ ଆଉ କେହି ନାହାଁନ୍ତି ଦୁନିଆ ରେ । 

  ଏତକ କହି ଦେଇ ନବୀନ ଚାଲିଗଲା ରାଜା ପାଖରୁ ଆଉ ପହଞ୍ଚି ଗଲା ମାମୁନି ପାଖରେ । କହିଲା ମାମୁନି ତୁ ଭୁଲି ଯାଆ , ରାଜା କୁ । ସେ ମଣିଷ ନୁହେଁ , ମଣିଷ ନୁହଁ ତ ଗୋଟିଏ ହୃଦୟ ହୀନ ମଣିଷ ଟିଏ । ମନ ବୋଲି ତାର କିଛି ବି ନାହିଁ । ପଥର ପାଲଟି ଯାଇଛି ସେ । 

  ସେ ଆଉ ଜଣ କୁ ଭଲ ପାଉଥିଲା ଜାଣି ବି ତୁ ତାକୁ ପାଗଳ ଭଳି ଭଲ ପାଉଛୁ ହେଲେ ସେ ......ସବୁ ଶୁଣି କାନ୍ଦି କାନ୍ଦି ରହିଲା ମାମୁନି । ମନେ ମନେ ଭାବିଲା ହଉ ରାଜା ଯାହା ଭାବୁଛନ୍ତି ଭାବନ୍ତୁ । ପ୍ରେମ ତ କାହାକୁ ଜବରଦସ୍ତି କରା ଯାଏ ନାହିଁ ନା । ଯଦି ସେ ମୋ ଭାଗ୍ୟ ରେ ଥିବେ ତାହେଲେ ନିଶ୍ଚେ ମିଳିବେ । ହେଲେ ମୁଁ ସବୁଦିନ ତାଙ୍କୁ ଅପେକ୍ଷା କରି ରହି ଥିବି । 

 ବିତି ଗଲା ଦି ଦିନ । ସେଦିନ ରାଜା ଅଫିସ୍ ରୁ ଫେରୁ ଥାଏ ଆଉ ହଠାତ୍ ସାମ୍ନା ପଟ ରୁ ଧକ୍କା ଦେଲା ଗୋଟିଏ ଟ୍ରକ । ରକ୍ତାତ ଅବସ୍ଥାରେ ରାସ୍ତା ରେ ଛାଟି ପିଟି ହେଉଥାଏ ସେ । ସେଇ ରାସ୍ତା ଦେଇ ଯାଉଥାଏ ମାମୁନି , ରାଜା କୁ ଦେଖି ଅଟକି ଗଲା ସେ , ଆଉ ହସ୍ପିଟାଲ୍ ନେଇ ଗଲା ରାଜା କୁ । ରାଜା ର ମୁଣ୍ଡ ରେ ଗଭୀର ଆଘାତ ଲାଗି ଥାଏ । ଆଉ ରକ୍ତ ଦରକାର ବୋଲି ଡାକ୍ତର ଜଣେଇ ଦେଲେ । ମାମୁନି ନିଜ ରକ୍ତ ଦେଇ ରାଜା ର ଜୀବନ ବଞ୍ଚେଇଲା । 

  ଯେତେବେଳେ ରାଜା ସୁସ୍ଥ ହେଲା ଆଉ ସବୁ କିଛି ଜାଣିଲା ସେତେବେଳେ ସେ ମାମୁନି କୁ ପାଖକୁ ଡାକି କହିଲା ମୋତେ କ୍ଷମା କରି ଦିଅ ମାମୁନି । ମୁଁ ତମ ଆଗରେ ଗୋଟିଏ ଅପରାଧୀ । ତମ ନିଃସ୍ଵାର୍ଥପର ଭଲ ପାଇବା କୁ ମୁଁ ସ୍ବାର୍ଥ ବୋଲି ଭାବି ନେଇ ଥିଲି । ତମକୁ ବି ଅନ୍ୟ ମାନଙ୍କ ଭଳି ସ୍ବାର୍ଥ ଆଉ କିଛି ପାଇବାର ଆଶା ନେଇ ସମ୍ପର୍କ ଯୋଡା ମଣିଷ ବୋଲି ଭାବି ଥିଲି । ହେଲେ ତମ ପ୍ରେମ ମୋ ଜୀବନର ମୋଡ଼ ବଦଳେଇ ଦେଲା । 

  ସତରେ ଦୁନିଆ ର ପ୍ରେମ ର ସଂଜ୍ଞା ସମସ୍ତଙ୍କ ପାଇଁ ଅଲଗା ଅଲଗା ଆଉ ମୋ ପାଇଁ ପ୍ରେମ ର ସଂଜ୍ଞା ଆଜି ଠୁ କେବଳ ତମେ । ଆଉ ତମେ । 

ରାଜା ର କଥା ଶୁଣି ମାମୁନି ଆଖି ରୁ ଝରି ଆସିଲା କେଇ ଟୋପା ଲୁହ ।


Rate this content
Log in

More oriya story from Anita Jena

Similar oriya story from Abstract