ପିଅକଡ

ପିକେ ବାବୁ ରବିବାର ର ସକାଳୁ ଉଠି ଚାହା ପିଉଥିଲେ ,ତାଙ୍କ ଫୋନ  ରିଂ ହେଲା | ଆପାର୍ଟମେଣ୍ଟ ଗେଟ୍  ରୁ କଲ ଆସିଥିଲା ,କିଏ ଜଣେ ଲୀନl ମାଡାମ ଆପଣଙ୍କ ଘରକୁ ଆସିଛନ୍ତି | ଓକେ  ତାଙ୍କୁ ଘରକୁ ଆସିବାକୁ  ଦିଅ  କହି ଫୋନ ରଖିଲେ ପିକେ ,ଓ ଅନେକ ଭାବନାରେ ବୁଡ଼ିଗଲେ ସେ |

       ଲୀନl ଏଠି ଏତେଦିନ ପରେ କଣ ପାଇଁ ଆସିଛି  କିଛି ବୁଝି ହେଉନି | ଲୀନା  ତାଙ୍କ ପିଲାଦିନର ସାଙ୍ଗ ପଞ୍ଚମ ଶ୍ରେଣୀ ରେ ପଢିଲା ବେଳେ ତା ପାଖେ  ବସିବାକୁ କହୁଥିଲା ଓ କହୁଥିଲା "ତୁ ପାଖରେ ଥିଲେ ମତେ ଡର ଲାଗେନି" | ଆଉ କେଉଁ ଝିଅ ପିକେ ସଂଗେ କଥା ହେଲେ ସେ ଟିକେ ଚିଡିଯାଉଥିଲା | 

        ଗଣେଷ ପୂଜା ସରିବା ପରେ ଦିଜଣ ସାଙ୍ଗ ହୋଇ ଘରକୁ ଫେରିବା ବାଟରେ ପିକେ ଲୀନl କୁ ପଚାରିଲା ,ଗଣେଷ ଙ୍କୁକଣ ମାଗିଲୁ  ? ସେ କହିଲା ଆମ ଦି'ଜଣକ ପାଇଁ ଭଲ ପାଠ ଓ ଭଲ ଜୀବନ    | ଦୁହେଁ ହସିଦେଲେ  |

         ତା ପରେ ଲୀନା ବାପାଙ୍କର ବଦଳି ହୋଇଗଲା ଅନ୍ୟ  ସହରକୁ |  ଲୀନl ସବୁ ବର୍ଷ  ଗ୍ରୀଟିଙ୍ଗସ ପଠାଉଥିଲା ପିକେ କୁ ଆଉ ପିକେ ବି ପଠାଉଥିଲା ଲୀନl କୁ | ଅନେକ ଦିନ ବିତିଗଲା  | ୟୁନିଭର୍ସିଟି ରେ ଆଡ଼ମିସନ ପାଇଁ  ଆସିଥିଲା ଲୀନା ଓ ଦେଖା ହୋଇଗଲା ପିକେ ସହିତ | ଦି ଜଣ କେମିଷ୍ଟ୍ରି  ପିଜି ରେ  ଆଡ଼ମିସନ  କଲେ  ଓ ହଷ୍ଟେଲ ରେ ରହିଲେ | ଏତେ ଦିନ ପରେ ଲୀନl ପିକେ କୁ ଦେଖି ବହୁତ ଖୁସିଥିଲା ,ଆଉ ପିକେ ବି | ଦି ଜଣଙ୍କ     ଭିତରେ ବନ୍ଧୁତା ବଢ଼ିବାରେ ଲାଗିଲା   ଓ ଦିନ କୁ ଦିନ ଲୀନl ଭାରି ପଜେସିଭ  ହୋଇଯାଉଥିଲା  ପିକେ କୁ ନେଇ | ପିକେ କୁ ସବୁ ଆଡେ ଫଲୋ   କରୁଥିଲା ଲୀନl , କ୍ଲାସ   ରୁ    କ୍କ୍ୟାଣ୍ଟିନ  ଓ   ହଷ୍ଟେଲ ରୁ ଖେଳ ପଡିଆ ଯାଏଁ  |  

          ପିକେର ଜନ୍ମ  ଦିନ ପାଇଁ  ଗୋଟେ ପାର୍ଟି ଆରେଞ୍ଜ କରିଥିଲା ଲୀନl ,ବହୁତ ଖୁସି ଥିଲା ସେ  ,ହେଲେ ପିକେର ସାଙ୍ଗ ମାନେ ପିଇ କରି ପହଁଚି ଗଲେ ସେଠି  ଓ ବହୁ ହଂଗାମା କଲେ |ଲୀନl ରାଗି ଗଲ| ଓ ସେଠୁ ପଳାଇଲା |  ଅନେକ ଦିନ ଯାଏଁ  ସେ ଆଉ ଫେରିଲାନି  ପିକେ ପାଖକୁ | ଦିନେ ସନ୍ଧ୍ୟାରେ ଲୀନl ପହଁଚି ଥିଲା ପିକେ ହଷ୍ଟେଲ ରେ ,ହେଲେ ସେଠି ସମସ୍ତେ ବସି ଗୀତ ବୋଲୁ ଥିଲେ  ଓ  ପିଉଥିଲେ | ଜଣେ କିଏ ତା ଭିତରୁ କହିଲା ଭାଉଜ ନମସ୍କାର ,ସେ  ରାଗିକରି ବାହାରିଗଲା ସେଦିନ  ପିକେକୁ ଗୁଡ଼    ବାୟ  କହି ଓ ତା ସାଙ୍ଗଙ୍କୁ ଗାଳି ଦେଇ ଦେଇ  |

         କଲିଂବେଲ ର ଶବ୍ଦରେ    ପ୍ପ୍ରକୃତିସ୍ତ  ହେଲା ପିକେ , ଦୁଆର  ଖୋଲି  ଚାହିଁ ରହିଲା  ଲୀନl କୁ   , ସେଇ କଲେଜ  ବେଳର ଲୀନl ସେଇ ଡ୍ରେସ  ଜିନ ପ୍ୟାଣ୍ଟ ,ସାର୍ଟ ଓ  କପlଳ ରେ  ଏକ  ଛୋଟ  ବିନ୍ଦି  ଖାଲି ଆଖିରେ  ଥିଲାଏକ ଦାମୀ  ଚଶ୍ମା   | ଲୀନl ପଚାରିଲା କଣ  ଚିହ୍ନି  ପାରୁନୁ କି, ଘର କୁ    ଡାକିବୁନl ନାହିଁ ?   ଆରେ  ଆସେ ଆସେ ଘର ଭିତର କୁ  ଆସିଲା ସେ | ସୋଫାରେ  ବସିବା ପରେ  ତାଆଖି  ଆଉ କାହାକୁ ଖୋଜୁଥିଲା | କିଛି ସମୟ ପରେ  ପିକେର ଶ୍ରୀମତୀ ପାଣି ନେଇଆସିଲେ | ଲୀନl ତାଙ୍କୁ ପୁରା  କିଛି ସମୟ ଧରି ଚାହିଁ ରହିଲା  ଓ ପଚାରିଲା ତୋର ଶ୍ରୀମତୀ ବୋଧେ ,ପିକେ ହଁ କହିଲା  | ତାପରେ କିଛି ପୁରୁଣା କଥା ଆଲୋଚନା ପରେ  ତା ଭାନିଟିରୁ କାଢି ଗୋଟେ   ନିମନ୍ତ୍ରଣ  କlଡ଼  ବଢ଼ାଇଦେଲା  ପିକେ ହାତକୁ ଓ କହିଲା ଝିଅର ବାହାଘର   ଦିଜଣ ଆସିବ  ,ମୁଁ ଚାଲିଲି କହି ଉଠିଲା ସେ | ଗଲାବେଳେ କହିଲା ତୁ ସିନl   ମୋର ଖବର ରଖିନୁ ମୁଁ କିନ୍ତୁ ତୋର ସବୁ ଖବର ରଖିଛି |

  ପିକେ ଭାବୁଥିଲା ଲୀନା ଝିଅ ବାହା ଘର ରେ ଯିବ ନl  ନାହିଁ  ବୋଲି  | ତା ଶ୍ରୀମତୀ  ଅନ୍ୟ ଏକ  ପାର୍ଟିରେ ଚାଲିଗଲେ ଓ  ପିକେ କୁ ଏକl ଯିବାକୁ କହି ଗଲେ ଲୀନା ଝିଅ ବାହାଘର କୁ | ଗିଫ୍ଟ  ଧରି ପିକେ ଲୀନା ଝିଅ ବାହାଘର ମଣ୍ଡପ  ରେ ପହଁଚିଲେ ,ପ୍ରାୟ ରାତି ୯ ଟା  ହେବ | ବେଶୀ ଲୋକ ନଥିଲେ ବର ଆସିବାକୁ ବି ଡେରି ଥିଲା | ଲୀନl ତା ଘର ଲୋକଙ୍କ ସଂଗେ ପିକେ ର ପରିଚୟ କରାଇଦେଲା ତା ବାପା ମା  ଓ ଜଣେ ଦିଜଣ ସାଙ୍ଗ  ପିକେ କୁ ଚିହ୍ନି ପାରିଲେ |     ପିକେ ପଚାରିଲା ଆରେ ତୋର ବର କାହାନ୍ତି,ସେ କିଛି ସମୟ  ଚୁପ ରହି କହିଲା ତାଙ୍କୁ  ମୁଁ  ଛାଡି ଦେଇଛି | ପିକେ ଚମକି ପଡିଲା ଓ ପଚାରିଲା ଏବେ କଣ କରୁଚୁ  ? ସେ କହିଲା  ପିଲାଙ୍କୁ ପଢାଉଛି   ଓ କିଛି ଲେଖା ଲେଖି  କରୁଛି  | ହଁ  ଗୋଟେ ସର୍ଟ ଷ୍ଟୋରି  ବହି ଲେଖିଛି,  ତୋ ଉପରେ  ବି କିଛି ଲେଖିଚି, ଗୋଟେ କପି ତତେ  ଦେବି  ପଢ଼ିବୁ     | ତାପରେ କହିଲା ସେ ଗଧ    ପିଅକଡ ଗୁଡ଼ାଙ୍କ ସାଙ୍ଗରେ  ପଡି ତୁ ଖରାପ  ହୋଇଗଲୁ ନହେଲେ ଏଠି ମୋ ଝିଅର   ବାପହୋଇ ତୁ ବସିଥାନ୍ତୁ | ପିକେ ହସୁ ଥିଲେ | କିଏ ଜଣେ ଲୀନାକୁ କହିଲା ବର ଆସିଲାଣି  | ସେ ଚାଲିଗଲା ଓ କହିଗଲା ଭୋଜି  ଖାଇକି ଯିବୁ ,ପଛରୁ ଚାହିଁ  ରହିଥିଲେ ପିକେ ଲୀନା କୁ  |