Ajita Mishra

Comedy Others comedy


4.6  

Ajita Mishra

Comedy Others comedy


ମେସେଜ୍ ଆଠପେଜ୍

ମେସେଜ୍ ଆଠପେଜ୍

2 mins 57 2 mins 57

ଦୁନିଆଁ ର ସବୁ ଜିନିଷ ଟଙ୍କାରେ କିଣାଯାଇପାରେ , କିନ୍ତୁ ସମ୍ପର୍କ  ଅଙ୍କୁରିତ ହୁଏ ସଦ୍ ବ୍ୟବହାର ,,  ମିଠା କଥାରେ  ।


ସକାଳୁ ଚା ପିଉପିଉ ମିନୁ ଦେଖିଲା ହ୍ୱଆଟ୍ସ ଆପ୍ ସୋ କରୁଛି " ତୁମପାଇଁ ଆଠଟି ପେଜ୍ ମାତ୍ର " ସେ ଡରିଗଲା , ଛାତି ଧଡ୍ କଲା । ଆଠଟି ପୃଷ୍ଠା ର ଲେଖା ଏମିତି କ'ଣ   ହୋଇଥାଇପାରେ ! ଦିନ ରାତି ଫାଇଲ୍ ପତ୍ର , ନାନା ରକମର ମିଟିଙ୍ଗ୍ ରେ ବ୍ୟସ୍ତ ଥିବା ଲୋକ ବି ଅନେକ ଅଛନ୍ତି , ଯେଉଁ ମାନେ ଭାଷା ,କଥା, କାହାଣୀ ରେ ଦକ୍ଷତା ଅର୍ଜନ କରିଛନ୍ତି । 

ସିଦ୍ଧାର୍ଥଙ୍କ ନାଆ , ପ୍ରତିପତ୍ତି  ଚତୁର୍ଦ୍ଦିଗ ରେ । ସେ କିଛି ଗୋଟିଏ ମିସ୍ କରିବାର ଅର୍ଥ ନିଜ ଚତୁର୍ପାଶ୍ୱର କର୍ମଚାରୀ ଙ୍କ ସହ କମ୍ପରମାଇଜ୍ କରିବା । ସବୁଠି ଲୋକେ ତାଙ୍କୁ ଲୋଡ଼ି ଥାଆନ୍ତି । କାଲି ଭୂବନେଶ୍ୱର କ୍ଲବ ସାମ୍ନାରେ ତାଙ୍କ ଗାଡ଼ି କୁ ମିନୁ ଦେଖି ଥିଲା , ହେଲେ ସେ ସାମ୍ନା କରିପାରେନି । 

ହୁଆଟ୍ସ୍ଆପ୍ ଫେସ୍ ବୁକ୍ ରେ ବନ୍ଧୁତା ହେଇଗଲେ କ'ଣ କେହି କାହାକୁ ପ୍ରାଞ୍ଜଳଭାବେ ବିଶ୍ଳେଷଣ କରିପାରେ ! ଏ ଏକ ଅଲୋଡ଼ା ସମ୍ପର୍କ ଯାହା ପ୍ରାୟ ନିଜ ନାମ ବଦଳାଇଥାଏ , ଚେହେରା ମଧ୍ୟ ଭିନ୍ନ ଭିନ୍ନ ଦର୍ଶାଇ ଥାଏ । ହେଲେ ସବୁବେଳେ ମଣିଷ ଏକ  ସାର୍ବଜନୀନ ଡାକ ଶୁଣିବାକୁ ଚାହେଁ ।  ଲୋକ ଲୋଚନ ର ଉହାଡରେ ମଣିଷ କେତେ କ'ଣ ଭାବେ ଓ କରେ.... । 


ଆଜି ମିନୁ  ତା' ସ୍ୱାମୀଙ୍କ  ପାଇଁ କେଡେ ଦାମିକା ବସ୍ତୁ ! ଯାହାର ମୂଲ୍ୟ ସିଦ୍ଧାର୍ଥ ଜାଣି ନାହାନ୍ତି । ସରଳ ମିନୁର ମନ ସହ  ବନ୍ଧୁତା  ଗ୍ରହଣୀୟ ମାତ୍ର  ସ୍ଫଟିକପରି ସ୍ୱଚ୍ଛତା  ଆବଶ୍ୟକ। ସମ୍ପର୍କ ରେ ଆବିଳତା ତାର ପସନ୍ଦ ନୁହେଁ ।


 ଛୋଟପିଲା, ଅନେକ କାମ । ଯୌଥ  ପରିବାର ର ବୋହୂ ସିଏ ।  ଘରେ ସଦାବେଳେ ଅତିଥି ଚର୍ଚ୍ଚା । ଫୁର୍ସତ ମିଳିଲେ ମିନୁ ଲେଖାଲେଖି ପଢ଼ାପଢ଼ି କଥା ଭାବେ। ଏସବୁ ଠାରୁ  ବନ୍ଧୁ ସିଦ୍ଧାର୍ଥ ଅନେକ ଦୂରରେ । ତାଙ୍କୁ ସିଏ କାହିଁକି ଏତେକଥା ବୁଝାଇବ !


 --- ଆଠପେଜ୍ ର ଲେଖାଟେ ପଠାଇଦେଲେ । ମଲା ମଣିଷ , ଆଚ୍ଛା ଭାଲୁ ଧରିଲି.... ପଢ଼ିବି କେତେବେଳେ ? ଯାହା ହେଲେବି  ରିସିଭ୍  କଲାମାତ୍ରେ  ଉତ୍ତର ଦେବାକୁ ପଡ଼ିବ । ନହେଲେ ସେ ମନ ଖରାପ କରିବେ । ଏଣୁ ମେସେଜ୍ ଟିକୁ ବର୍ତ୍ତମାନ ନ ଖୋଲିବାହିଁ ଠିକ୍ .....


    ଏକ ଗୁଡେଇତୁଡେଇ ହେଉଥିବା ଭାବନା ଭିତରେ ସାରାଦିନ ବିତିଗଲା । ରାତି ହେଇ ଆସିଲାଣି, ମନ ଘାଣ୍ଟି ଚକଟି ହେଉଛି... " କ'ଣ ଅଛି ଆଠ ପେଜ୍ ର ମେସେଜ୍ ରେ..... ନାନାଦି ଭାବନା , ଖୁବ୍  ଆନମନା କରୁଥାଏ ମିନୁକୁ । 

ଡାଇନିଂ ଟେବୁଲ୍ ରେ ସଭିଙ୍କ ଦୃଷ୍ଟିକୁ ସେ ଚକ୍-ମା ଦେଇ ପିଡିଏଫ୍ କୁ ଖୋଲିଲା..... ରାତ୍ରର ଚାରିଘଡି଼ର ନିଦ୍ରାଟେ ପାଇଁ ଆଠ ପେଜ୍ ର ଜ୍ଞାନକୁ ନ ପଢ଼ିଲେ ତ୍ରାହି ନାହିଁ ଆଜି.....  


   କେତେ ଡେରି ଲାଗୁଛି ପିଡିଏଫ୍ ଖୋଲିବାକୁ ।ଶିଘ୍ର ଖୋଲିଯା ଖୋଲିଯା ...

-  ହଁ ବାସ୍ , ଆଠ ପେଜ୍ ଆସିଲା ...

୧ . ଖରା

୨ . ଦିନ

୩ . ନିଜର

୪ . ଯତ୍ନ

୫ . ନେବ

୬ . ପାଣି

୭ . ପ୍ରଚୁର

୮ . ପିଇବ


   ମିନୁ :  ଈଃ କି ଦୁଃଷ୍ଟ ! ମୁଣ୍ଡକୁ ପିତ୍ତ ଉଠିଗଲା ।ମନେ ମନେ କେତେ ନୂଆପୁରୁଣା ଗାଳି ବକିଦେଲା ।

- ସିଦ୍ଧାର୍ଥ ପରି ପରିପକ୍ୱ ମଣିଷ ଗୁଡ଼ା ହୃଦୟର ଗୋପନୀୟତାକୁ ଏମିତି ସନ୍ତର୍ପଣରେ ପ୍ରକାଶ କରନ୍ତି ବୋଧହୁଏ ।

ସାରା ଦିନର ଅଜସ୍ର ଅନ୍ତର୍ଦ୍ୱନ୍ଦ ଭିତରେ  ଅଣନିଃଶ୍ବାସୀ ହୋଇଯାଇଥିଲା ମିନୁ ....ପ୍ରକୃତିସ୍ଥ ହୋଇ ଏକ ତୃପ୍ତିର ହସ ହସିଲା । ରିପ୍ଲାଇଟିଏ ଟାଇପ୍ କଲା  "ରୌଦ୍ରତାରେ ଜଳ ଦାନ କଲେ ପୂଣ୍ୟ ହୁଏ , ନିଜର ଯତ୍ନ ନେବ । ରହିଲି..."

 -ଜୟ ଜଗନ୍ନାଥ-


Rate this content
Log in

More oriya story from Ajita Mishra

Similar oriya story from Comedy