ଲାଇବ୍ରେରୀ
ପ୍ରୋଫାଇଲ୍
ବିଶ୍ୱଶାନ୍ତି ଦିବସର ଅନୁଚିନ୍ତା
ବିଶ୍ୱଶାନ୍ତି ଦିବସର ଅନୁଚିନ୍ତା
ବିଶ୍ୱଶାନ୍ତି ଦିବସର ଅନୁଚିନ୍ତା
==============
ଶାନ୍ତି ଦିବସରେ ମନେପଡ଼େ ଆଜି
ଏକ ଇତିହାସ କଥା l
କଳିଙ୍ଗ ଯୁଦ୍ଧରେ ଅଶୋକ ହାଣିଲେ
ଲକ୍ଷ ଲକ୍ଷ ଲୋକ ମଥା ll
ଏତେ ମୁଣ୍ଡ ହାଣି ବିସ୍ମୟ ସମ୍ରାଟ
ଯୁଦ୍ଧ ନ ପାରନ୍ତି ଜିଣି l
ମଣିଷ ରକତେ ଲାଲ ହୋଇଲାଣି
ଦଇଆ ନଦୀର ପାଣି ll
ଶେଷରେ ଆସିଲେ କଳିଙ୍ଗର କନ୍ୟା
ମହିୟସୀ କାରୁବାକୀ l
କୈବର୍ତ୍ତ ରମଣୀ କହେ ଶାନ୍ତି ବାଣୀ
ଚଣ୍ଡାଶୋକଙ୍କୁ ପ୍ରଶଂସୀ ll
ହେ ସମ୍ରାଟ ! ତୁମ୍ଭେ ବୁଝି କି ପାରିନ
ମଣିଷ ହୃଦୟ ବାଣୀ l
ଲକ୍ଷେ ମଥା ହାଣି ରକ୍ତ ବୁହାଇଲ
ହୃଦୟ ପାରିନ ଜିଣି ll
ଏ ଯୁଦ୍ଧରେ ଜୟ ଅସମ୍ଭବ ତୁମ୍ଭ
ଫେରିଯାଅ ଫେରିଯାଅ l
ପୂର୍ଣ୍ଣ ହେବନାହିଁ ତୁମ୍ଭର ସେ ଆଶା
ଲଭିବାକୁ ଦିଗ୍ବିଜୟ ll
ସମ୍ରାଟ ଅଶୋକ ସ୍ତବ୍ଧ ହେଲେ କ୍ଷଣେ
ଦୟାରେ ଆର୍ଦ୍ର ହୃଦୟ l
କି ବୁଦ୍ଧି କରିବି, କୁହ ହେ ତରୁଣୀ
ହେବ ଏହି ପାପ କ୍ଷୟ ll
ଛାଡ଼ ଚଣ୍ଡ ବୁଦ୍ଧି ଏବେଠାରୁ ତୁମେ
ବୁଦ୍ଧଙ୍କର କର ଜୟ l
ହିଂସା ପ୍ରଣୋଦିତ ତରବାରୀ ଜୟ
ଅଟେ ସଦା ପରାଜୟ ll
ସତ୍ୟ,ଶାନ୍ତି,ଦୟା,କ୍ଷମା ଆଚରଣେ
ଜିଣ ମଣିଷ ହୃଦୟ l
ଚଣ୍ଡାଶୋକ ଏହି ଧର୍ମାଶୋକ ହେଲେ
ମହାତ୍ମା ବୁଦ୍ଧଙ୍କ ଜୟ ll
ସତ୍ୟ, ଶାନ୍ତି, ଦୟା, କ୍ଷମା ଏ ଅଟଇ
ମାନବ ମହତ ଗୁଣ l
ସମାଜ ତିଷ୍ଠିଛି ଏ ଚାରି ସ୍ତମ୍ଭରେ
ଗିରି ଗରୁ ଗରୀୟାନ ll
ଦୟା ଗୁଣେ ଦିନେ ପ୍ରଭୁ ଚକ୍ରଧାରୀ
ହୋଇଥିଲେ ଶାନ୍ତି ଦୂତ l
ଶାନ୍ତି ବାଣୀ ଧରି ହସ୍ତିନାକୁ ଗଲେ
ବଖାଣେ ମହାଭାରତ ll
🙏🙏🙏
ଅର୍ଜୁନୀ
-----------
ଅର୍ଜୁନୀ ଚରଣ ବେହେରା
ମୋ -7693091971
