Library
ଅର୍ଣ୍ଣବ
ଅର୍ଣ୍ଣବ
1 min
125
ଅର୍ଣ୍ଣବ
ହେ ଅର୍ଣ୍ଣବ ! ତୁମେ ବୈଭବ
ତୁମେ ରମ୍ୟ ତୁମେ ସୌମ୍ୟ
ତୁମେ ଚିର ଶାଶ୍ଵତ ଗୌରବ ।
ତୁମେ ଜାଗି ଉଠ ଆଜି
କବି ଲେଖକଙ୍କ ଶବ୍ଦ ହୋଇ
ଚିତ୍ରକର ତୂଳୀର ରଙ୍ଗ ନେଇ
ତୁମର ପ୍ରତିଟି କଣିକା
ଭରିଦେଉ ପତିପ୍ରାଣେ ପୁଲକ
ଆଲୋକିତ କର ତୁମ ଦୀପ୍ତିମନ୍ତ ଝଲକ ।
କେତେ ଜ୍ଞାନୀ ଗୁଣୀ କେତେ ମତି ମୁନି
ତୁମ ପାଇଁ ଆଜି ବ୍ୟାକୁଳ
ଗର୍ଜିଉଠେ ଆଜି ଉତ୍ତର ତରଙ୍ଗେ
ହୋଇ ତୁମେ ଚଳଚଞ୍ଚଳ ।
ଦୀର୍ଘ ବର୍ଷର ଅବିଶ୍ରାନ୍ତ ଯାତ୍ରା ପରେ
ତୁମେ ଜାଗି ଉଠିବାରେ ଝଙ୍କୃତ
କେତେ କବି କେତେ ଲେଖକ ଭାବୁକ
ତୁମ ସ୍ପର୍ଶ ପାଇ ହେବେ ହର୍ଷିତ ।
ବିଦ୍ୟାଳୟର ନୂତନ ବର୍ଷରେ
ତୁମେ ଆସ ଶୁଭ ବାର୍ତ୍ତା ନେଇ
ଚାହିଁ ବସିଛନ୍ତି ଆସିବ କେବେ
ତୁମ ସୌମ୍ୟକାନ୍ତ ରୂପ ନେଇ ।
