ଅଲଗା ଅଲଗା

ଏ ବର୍ଷ ପଞ୍ଚାୟତ ନିର୍ବାଚନ ପାଇଁ ପ୍ରଚାର ଓ ପ୍ରସାର ଆରମ୍ଭ ହୋଇ ସାରିଥାଏ। ଆରେ ସୁରେନ୍ଦ୍ର କୁଆଡେ଼ ଯାଇଥିଲୁ କି? ବାପା ମୁଁ ଟିକିଏ ପ୍ରଚାର ପାଇଁ ଯାଇଥିଲି। ତୁ ପ୍ରଚାର ପାଇଁ ଯାଇଥିଲୁ? ତୁ କ'ଣ ? ନା ବାପା ମୁଁ ନୁହେଁ। ଖାଲି ମୁଁ ନୁହେଁ , ବଡ଼ଭାଇ ବି ଯାଇଛନ୍ତି। ଆଛା ଆଛା ତମେ ସବୁ ଗୋଟେ ଗୋଟେ ଅଲଗା ଦଳ ତିଆରି କରିଛ ନା? ହଉ ଠିକ୍ ଅଛି, ମୋତେ ନ ପଚାରି କାହା ଦଳର ଯାଇ ପ୍ରଚାର ଆରମ୍ଭ କରିସାରିଲଣି। ଦେଶ ଦୁନିଆ ଯେମିତି ତମ ଦୁଇଙ୍କ ଈଶାରା ରେ ଚାଲିଛି। ସୁରେନ୍ଦ୍ର, ବିକାଶ, ବିକ୍ରମ ଓ ଦେବେନ୍ଦ୍ର ଚାରିଜଣ ଶିକ୍ଷକ ବିନୋଦ ବାବୁଙ୍କ ପୁଅ ମାନେ। ସମସ୍ତେ ସାଂସାରିକ। ଦେବେନ୍ଦ୍ର ବଡ଼ , ବିକ୍ରମ ମଝିଆଁ , ବିକାଶ ସାନ ମଝିଆଁ, ସୁରେନ୍ଦ୍ର ସବୁଠାରୁ ସାନ ପୁଅ। ଦେବେନ୍ଦ୍ର ଓ ସୁରେନ୍ଦ୍ର ଦୁହେଁ ସାଥିରେ ରହନ୍ତି, ବିକାଶ ଓ ବିକ୍ରମ ବାପା ମାଆଙ୍କ ସହିତ ରୁହନ୍ତି। ଦଶ ବର୍ଷ ହେବ ସେମାନେ ଅଲଗା ଅଲଗା ଚଳୁଛନ୍ତି। ବଡ଼ ପୁଅ ଓ ସାନପୁଅ ଦୁହେଁ ବାପା ମାଆ ଙ୍କ କଥା କିଛି ବୁଝନ୍ତି ନାହିଁ। ରାଜନୀତି ର ପଶାପାଲି ରେ ବଡ଼ପୁଅ ଦେବେନ୍ଦ୍ର ଓ ସାନପୁଅ ସୁରେନ୍ଦ୍ର। ଏ ଦୁହେଁ ମିଶି ଅଧାରୁ ଅଧିକ ପୈତୃକ ସଂପତ୍ତି ଅଧିକାର କରିଛନ୍ତି। ଜୋର ଜବରଦସ୍ତ ସମ୍ପତ୍ତି ଉପରେ ଅଧିକାର ଜାହିର କରିଛନ୍ତି ରାଜନୈତିକ ଚାପ ବଳରେ। ବିକାଶ ଓ ବିକ୍ରମ ଦୁହେଁ ବହୁତ ସକରାତ୍ମକ ଚିନ୍ତାଧାରା ର ମଣିଷ। କାହା ସହ ଜମିବାଡ଼ି ସମ୍ପର୍କିତ ମାମଲା କୁ କେବେବି କହିନାହାନ୍ତି। ଘର ପରିବାର କଥା ବାହାରେ ବୁଲିଲେ ଖରାପ। ଏ ଦୁହେଁ ସରଳ ବ୍ୟକ୍ତିତ୍ଵ। ସେ ଦୁହେଁ ରାଜନୀତି ର ଗୋଟି ଚାଳନା କରି ଶାସନ କଳ ସହ ମିଶି , ନାଲି ଆଖି ଦେଖାଇ ସମ୍ପତ୍ତି ଉପରେ ଅଧିକାର ଜାହିର କରିଛନ୍ତି। ଦେବେନ୍ଦ୍ର କୁ ଥରେ ବାପା ମାଆ ପଚାରିଲେ , ଆରେ ଦେବେନ୍ଦ୍ର ! ସମ୍ପତ୍ତି ବାଡ଼ି ଉପରେ ଯାହା ତ କଲ। ସେ ଦୁହିଁଙ୍କୁ ହଇରାଣ ହରକତ କରିବାକୁ କାହିଁକି ମନସ୍ଥ କରୁଛ? ଦେବେନ୍ଦ୍ର ଉତ୍ତର ରଖିଲେ, ଆମର ସମାଜରେ ଗୋଟେ ନାଁ ଅଛି, ଆମ ବିରୋଧରେ ବିକାଶ ଓ ବିକ୍ରମ ଦୁହେଁ ଏକ ଦଳ ଗଠନ କରି ସବୁଆଡ଼େ ଅପମାନିତ କରୁଛନ୍ତି। ମୁଁ ସେମାନଙ୍କୁ ଛାଡ଼ିବି ନାହିଁ। ଦେଖ! ଦେବେନ୍ଦ୍ର ସେମାନେ ତମ ସହ ଲଢୁନାହାନ୍ତି। ବରଂ ତୁମେ ଦୁଇଜଣ ନିଜର ଅହଙ୍କାର ଓ ସ୍ୱାର୍ଥ ପାଇଁ ତାଙ୍କ କାନ୍ଧରେ ବନ୍ଧୁକ ରଖି ଅନ୍ୟ ର ଶିକାର କରୁଛ। ସେମାନେ ବିଚରା ନିରିହ , ସରଳ ସବୁଆଡ଼େ ହଇରାଣ ହେବାକୁ ପଡୁଛି। ଏମିତି କିଛି କର ନାହିଁ । ବିକାଶ ,ବିକ୍ରମ ମୋ ବିରୋଧରେ ଅଲଗା ଦଳ ତିଆରି କରି ଆମର ପରିଚୟ ଓ ସ୍ବାଭିମାନ କୁ ଆଘାତ କରୁଛନ୍ତି। ଏ କଥା କେବେ ସମ୍ଭବ ନୁହେଁ। ମୁଁ ସେମାନଙ୍କୁ ଭଲଭାବେ ଜାଣିଛି। ତମେ ଦୁହେଁ ସମାଜ ରେ ପ୍ରତିଷ୍ଠିତ ଓ ପରିଚିତ ହେଲେ ତାଙ୍କର କିଛି କ୍ଷତି ନାହିଁ। ବରଂ ତୁମେ ଦୁହେଁ ରାଜନୀତି ର ଲୋଭନୀୟ ପରିସ୍ଥିତି କୁ ଛାଡି ପାରୁନାହୁଁ। ଅଲଗା ଦଳ ତିଆରି କରିବା ବଡ଼କଥା ନୁହେଁ। ଯେଉଁ ଦଳରେ ଏକତା ଅଛି, ଦେଶ ପାଇଁ, ଜାତି ପାଇଁ, ନିଃସ୍ଵାର୍ଥପରତା ଅଛି, ସେମାନେ କେବଳ ଆଜି ର ଦୁନିଆରେ ପଥର ପରି ଦୃଢ଼ ବିଶ୍ୱାସ ର ସହ ଲଢେଇ କରୁଛନ୍ତି। ଯେଉଁଟି ଅହଂକାର ଓ ଈର୍ଷା, ଅହମିକା ଓ ଘୃଣା ଅଛି ସେଠାରେ ସଫଳତାର କୋୖଣସି ସ୍ବାଦ ବାରି ହୁଏ ନାହିଁ। ଥାଉ ଥାଉ , ତମର ସେ ଉପଦେଶ ମୋର କିଛି କାମରେ ଲାଗିବ ନାହିଁ। ରଖ ତୁମ ଉପଦେଶ। ହଉରେ ଦେବେନ୍ଦ୍ର! ଆଜି ନହେଲେ କାଲି , ସମୟ ଆସିବ, ସେତେବେଳେ ବୁଝି ପାରିବୁ ମୁଁ କ'ଣ କହୁଥିଲି। ହୁଏତ ମୁଁ କାଲି ନଥିଲି। ହେଲେ ମୋ କଥା ଥରେ ହେଜିବୁ ରେ ଦେବେନ୍ଦ୍ର ! ହେଜିବୁ ! ମାଙ୍କଡ ମାନେ ସିନା ଏ ଗଛରୁ ସେଗଛ କୁ ଡେଇଁ ଯାଆନ୍ତି, ହେଲେ ଆଜିର ମଣିଷ କିନ୍ତୁ ଅଲଗା ଦଳ ତିଆରି କରି ସେ ଦଳ ବିଷୟରେ ଆଲୋଚନା କରନ୍ତି। ଏଇତ ଆମର ପର ପିଢ଼ି ଙ୍କ ଜ୍ଞାନ।