ଯେବେ ଈଶ୍ୱର ଡ଼ାକନ୍ତି
ଯେବେ ଈଶ୍ୱର ଡ଼ାକନ୍ତି
ଯେବେ ଈଶ୍ୱର ଡାକନ୍ତି
ଅର୍ଦ୍ଧରାତ୍ରୀରେ ଭାଙ୍ଗିଯାଏ ନିଦ
କାନେକାନେ ଶୁଭେ ଓଁକାର ନିନାଦ
ତୁଟିଯାଏ ରହିଥିବା ଯେତେ
ମନ ମସ୍ତିଷ୍କ ବିବେକ ଓ ହୃଦୟ ବିବାଦ
ଯେବେ ଈଶ୍ୱର ଡାକନ୍ତି
ଭାବନା ପଥରୁ ଦ୍ୱନ୍ଦ୍ୱ ହୁଏ ବିଚ୍ଛେଦ
ପବିତ୍ରତା ଭରେ ଶୁଣି ଆଧ୍ୟାତ୍ମ ସମ୍ବାଦ
ଟାଣିହୁଏ ପ୍ରଭୁପାଖୁ ଏ ଅଧମ
ଜାଣି ସୁଦ୍ଧା ଏ ଶରୀରେ ଭକ୍ତିହୀନ ସ୍ୱାଦ
ଯେବେ ଈଶ୍ୱର ଡାକନ୍ତି
ତରୁଲତା ହସିଉଠେ ବାସେ ଫୁଲର ସୁଗନ୍ଧ
ଅନ୍ତରାତ୍ମା କରଇ ନୂଆ ଶବଦ
ଉତ୍କଣ୍ଠା ବଢିଚାଲେ ଦର୍ଶନ ପାଇଁ
ହଟିଯାଏ ଯେତେ ସବୁ ଅବରୋଧ
ଯେବେ ଈଶ୍ୱର ଡାକନ୍ତି
ଅଧର ଓ ନୟନ ସୌନ୍ଦର୍ଯ୍ୟ ଅଗାଧ
ଛଟପଟ ହୁଏ ଯିବାକୁ ପାଦ
ତା' ମୁଖମଣ୍ଡଳ ଦେଖିବାକୁ ଶ୍ରଦ୍ଧା
ସମୟ ହଟାଏ ପ୍ରତିବାଦ।