ତୁ ତ ମୂତୁରା ମୁଁ ଥ ମୂତୁରା

ତୁ ତ ମୂତୁରା ମୁଁ ତ ମୂତୁରା

ଚଦର ଧୂଆ ଥାଉ

ସଲା ସୁତୁରା ଜୀଇବା ଭଲ

ଏତିକି କାମ ହେଉ !

ପଛ କଥାକୁ ନ କରି ଘେନା

ପକାଇଦେବା ତାଳି

ସରୁ ଚାହାଣି ମୁହଁକୁ ଦେଖି

ହୋଇବା କୋଳା କୋଳି !

ଆମ ରଚନା ମନ୍ଦକୁ ନାହିଁ

ଭଲକୁ ସବୁ କହି

ଗୁମାନ ଯାହା ଫିଟାଇଦେବା

ମେଲାଇ ସୁଖ ବହି !

ଖାଇବା ସାଥେ ପିଇବା ଟେକି

ନାଚିବା ଖୁସି ନାଚ

ମଥାରେ ଯାହା ଢିଲାଟା ଥିଲା

ମାରିବା କାଳେ ପେଚ !

ଦାନ୍ତ ନେଫଡ଼ି ଦେଖେଇହେବା

ଉଠାଇଦେବା ଛବି

ନିଜକୁ ନିଜେ ଡାକ ଛାଡ଼ିବା

ଦେଖ ହେ ଆମେ କବି !

ଦୁନିଆ ଦେଖୁ ଛଇଳ ଢଙ୍ଗ

ମନକୁ ଆମେ ଆଛା

ପଛକୁ ପଛେ ଆମରି ନାଆଁ

ଗପନ୍ତୁ ଯା'ର ଇଛା !

ଖାତିରି ନାହିଁ ଥୋବଡ଼ା ପଣେ

ଆଗକୁ ଯିବା ମାଡ଼ି

କାହା ଦିହରେ ଗୋଡ଼ଟା ବାଜୁ

ଥରୁନି ଆମ ନାଡ଼ି !