ଟୋପାଏ ଲୁହ
ଟୋପାଏ ଲୁହ
1 min
6.7K
ଆଖି ଝରଣାରୁ ଝରିଗଲେ ଲୁହ
ହୃଦୟଟା ହୁଏ ହାଲ୍ କା
କେବେ ସେଇ ଲୁହ ଅଭିମାନ କରେ
ଯେମିତି ଅବୁଝା ପ୍ରେମିକା ॥
ଲୁହ ଆସେ କେଉଁ ଅଜଣା ଜାଗାରୁ
କିଏବା ଜାଣିଛ କୁହ
ଆଖି ବାଟ ଦେଇ ପଦାକୁ ଆସିଲେ
ଓଦା ହେଇଯାଏ ମୁହଁ ॥
ଲୁହର ଠିକଣା ଲୁହତ ଜାଣେନା
ଜାଣିଛ କିଏ ସେ କୁହ
ଥରେ ଯେ କାନ୍ଧିଛି ତାକୁ ପଚାରତ
କ'ଣ କହେ ଏଇ ଲୁହ ?
ଉଷୁମ ଉଷୁମ ଲୁହ ଟୋପା ଯେବେ
ପିଇ ଯାଏ ଶୁଷ୍କ ଓଠ
ଶୁଖିଲା ଓଠରେ ଲୀନ ହେଇ ଯାଏ
ଲୁହର ଶିଉଳି ତୁଠ ॥
ପାପୁଲିରେ ଲୁହ ଧରାଦିଏ ନାହିଁ
ଭିଜି ଯାଏ ରୁମାଲଟା
ପ୍ରତିଶୋଧ ନିଏ ଟୋପାଏ ଲୋତକ
ଭାଙ୍ଗିଯାଏ ସପନଟା ॥
ଶରତ ଚନ୍ଦ୍ର ଜାଲି
ତା:୧୧/୭/୧୮