ଟିକିଲି

ଟିକିଲି ବଦଳେ ସିନ୍ଦୁର ମଥାରେ ନାଇ

ଝିଅ ହୋଇଯାଏ ବୋହୁ

ମୁଣ୍ଡରେ ଓଢଣା ସୋହାଗ ସଣ୍ଠଣା ଥାଇ

କଥାରେ ଝରାଏ ମହୁ

ଝିଅ ପିନ୍ଧିଥାଏ ସାତରଙ୍ଗ ଟିକିଲି ମଥାରେ

ଦିଶୁଥାଏ ଦାଉ ଦାଉ

ସିନ୍ଦୁର ଶଙ୍ଖା ଭିତରେ ନବବଧୂ ଖୋଜେ

ଟିକିଲି ସ୍ପର୍ଶ ଭାଉ

ଟିକିଲି ଲଗାଇ ରାଜକୁମାରୀ ବାପାଙ୍କର

ବାପାଘରେ ଦିନ ସରିଯାଉ

ଭାବୁ ଭାବୁ ସମୟ ସ୍ରୋତରେ ସିନ୍ଦୁର ମଥାରେ

ପାରଘରୀ ସାଜି ହୁଏ ବୋହୁ

ଲାଜର ଓଢଣୀ ଆଖିରେ କାହାଣୀ ଝିଅ ବୋହୁଙ୍କର

ମହାଭାରତ ଚରିତ୍ର କହୁ

ଲଜ୍ଜ୍ୟା ଆଭୂଷଣେ ଝିଅବୋହୁ ଆଚରଣେ 

ଟିକିଲି ସିନ୍ଦୁର ଦିଶେ ଦାଉ ଦାଉ

ଟିକିଲି ଭିତରେ ସ୍ନେହ ମମତା ପ୍ରୀତିରେ

କନ୍ୟାଟିଏ ବଞ୍ଚିରହୁ

ବଧୂ ହେଲାପରେ ମାଆ ପତ୍ନୀ ସାଜି 

ଘରଣୀ ବୋଲାଇ ରହୁ

ଟିକିଲି ମଥାରେ ଦିଶେ ଝିଲିମିଲି

ତାରା ପରି ତାର ଭାଉ

ସିନ୍ଦୁର ମଥାରେ ଦେଇ ଭଗିନୀ ଜନନୀ

ସାତ ସିନ୍ଧୁ ପାର ହେଉ

ଟିକିଲିରେ ଧର୍ଯ୍ୟ ସାହାସ ଶକ୍ତି କନ୍ୟାର

ସମର୍ପଣ ଭାବ ରହୁ

ସିନ୍ଦୁର ପିନ୍ଧି ସିନ୍ଥିରେ ସୁନ୍ଦରୀ ଶ୍ରୀମନ୍ତିନୀ ହୋଇ

ସାବିତ୍ରୀ ସୀତା ଦ୍ରୌପଦୀ ପରି ଯଶ ରହୁ ।