ଲାଇବ୍ରେରୀ
ପ୍ରୋଫାଇଲ୍
ହିସାବ
ହିସାବ
1 min
171
ମୁଁ ନିଜେ ଗଢ଼ିଥିବା ସ୍ବପ୍ନମାନେ
ନିଜ ନିଜ ଭିତରେ
ଯୁଦ୍ଧ ଘୋଷଣା କରନ୍ତି
ରହ ରହ କହୁକହୁ
ଆରମ୍ଭ ହୁଏ ଯୁଦ୍ଧ
ଦୁର୍ବଳ ସ୍ବପ୍ନମାନେ
ଅଙ୍ଗହୀନ, କ୍ଷତବିକ୍ଷତ ହୋଇ
ମରି ପଡନ୍ତି କ୍ଷଣିକ ଭିତରେ ।
କିଛି ସମୟ ଅନ୍ତରେ
ହଠାତ୍ ଶୁଭେ 'ରାମ ନାମ ସତ୍ୟ ହେ'
କୋକେଇ ଉଠେ
ସମସ୍ତେ ଚିତ ହୋଇ ନିଦ୍ରା ଯାଇଥିବା
ବହଳ ଅନ୍ଧାରେ
ମୃତକମାନେ ବୁହା ହୁଅନ୍ତି ମଶାଣି ଅଭିମୁଖେ
ବିଜୟୀ ସ୍ବପ୍ନମାନଙ୍କ କାନ୍ଧରେ
ଚିତା ସଜ ହୁଏ
ଚିତାରେ ଅଗ୍ନି ସଂଯୋଗ ହୁଏ
ହୃଦୟର ମଶାଣି ଭୁଇଁରେ ।
ବିନିଦ୍ର ମୁଁ ଦେଖେ ସେମାନଙ୍କ ଆଖି
କେତେ ନାଲି, କେତେ ହଳଦିଆ
କେତେ ଦିଶେ ଧୂସର ଧୂସର
ସଢ଼ା ମୁହଁ, ସଢ଼ା ଦେହ
ଜଳିବା ପୂର୍ବରୁ ତାଙ୍କ ମେଷ ଛୁଆ ମୁହଁ ।
