ଟିକିଏ ଚୁପ୍ ରହିବୁ?

ତୁ ଆହୁରି ଛୋଟ ପିଲା 

ଟପର ଟପର ବେଶୀ ହୁଅ ନାହିଁ 

ସମସ୍ତଙ୍କୁ ଦେଖେ ସମସ୍ତଙ୍କୁ ଶୁଣ 

କିଛି ଶିଖେ ବଡମାନଙ୍କଠୁ 

ହଁ ବଡ କିଛି ଭୁଲ ବି କହିଲେ 

ଚୁପ୍ ଚାପ୍ ହୋଇ ଶୁଣିବୁ 

କିଛି ରିଏକ୍ଟ କରିବୁନି 

ଏବେ ତୁ ଆଉ ଛୋଟ ନୋହୁଁ 

ବିବାହ ବୟସ ହୋଇଗଲା 

ଏବେ ତୁ ସହିବା ଶିଖେ 

ଚୁପ୍ ରହିବା ଶିଖେ 

ଏଇଟା ତୋର ନୂଆ ଜୀବନ 

ତୋରି ଘର 

ତୋରି ନିଜର 

ମାଆ ଘରଠୁ ବଳି ଶାଶୁ ଘର 

ଝିଅ ଥିଲୁ ବୋହୁ ହେଲୁ 

ନେଇ ବହୁ ଦାୟିତ୍ୱ 

କେହି କିଛି କହିଲେ କିଛି ନ କୁହ 

ସେମାନଙ୍କ ବୟସ ହେଲାଣି ଶୁଣି ଚୁପ୍ ଚାପ୍ ରୁହ 

ଏବେ ତୁ ମାଆ ହେଇ ଗଲା ପରେ 

ତୋହରି ଦାୟିତ୍ଵ ବେଶ୍ ବେଶି 

ଆଜିର ପିଲାଙ୍କ କଥା ଧରିବୁନି 

ଏବେ ଶାଶୁ ହେଲୁ 

ଝିଅ ଜ୍ୱାଇଁ ଆସିଛନ୍ତି 

ପଦା ଘରର ଝିଅ ବୋହୁ ହୋଇ ଆସିଛି 

କିଛି କେବେ ତାଙ୍କୁ ରାଗି କହି ଦେବୁନି 

ଏବେ ଆଉ ପୁରୁଣା ଯୁଗ ନାହିଁ 

ଚୁପ୍ ଚାପ୍ ରହିବୁ ତାଙ୍କ ସାମ୍ନାରେ

ଆଉ ତମରି ଅବସ୍ଥା ଭଲ ନାହିଁ 

ସବୁ ଯେତେ କହୁଛନ୍ତି ସେତିକି କର 

ଯାହା ଜୀବନ ଅଛି 

ଜଗାକୁ ଡାକ

ରାମ ନାମ ଜପ

ଆଜି ଅନ୍ତିମ ଯାତ୍ରା 

ସବୁ କାହିଁକି କହୁଛନ୍ତି 

କିଛି କହିବାକୁ 

ସବୁ ଆଜି ଶୁଣିବାକୁ ଚାହୁଁଛନ୍ତି 

ଦବେଇ ରଖି ଥିଲେ ଯେଉଁମାନେ 

ଆଜି ପଚାରନ୍ତି ମୁଁ କାହିଁକି ଚୁପ୍ 

ମୁଁ କିନ୍ତୁ ଆଜି ସତରେ ଚୁପ୍ 

ଚୁପ୍ ଚାପ୍ ମୋ ଅନ୍ତିମ ଯାତ୍ରାରେ